影片
更多
2015-10-12
2306 浏览
每天都有食肆开业、结业，你敢卖就有人买，话说有一段时期在湾仔附近上班，所以经常到兰杜街之焱川食好好食嘅鳗鱼饭，有时都会去对面荣式烧鸡扒，咁今晩下雨天经过湾仔谂住再去焱川怀缅下个鳗鱼饭，点之..............吓到我几惊青，最后原来只系搬咗去春园街，咁谂住行过去，点之行到浦和楼下，突然好大雨，但系点解浦和咁光猛？原来.......已结业，而家叫老爷点心，刚试业中，既然咁大雨，咁上去试下啦，可能系老天爷意旨呢？可能系试业关系，除我哋外，只有另一枱客，环境感觉舒适的，枱与枱之间不会太窄、又有单丁高枱位、又有梳化位等，相信老板都几钟意玩鱼虾蟹，眼见茶壸餐具除筷子外，连窗口玻璃全部都有印住「老爷」字样，甚至碟嘅设计系由鱼、鸡、虾、蟹图样围住中间有「老爷」嘅字样，而字样外系用一个类似两个金钱叠住，而看似一个葫芦，咁就成副鱼虾蟹了，不过只系我推测，亦无问店员属实与否，但是所有都见到花心思的。原来除了点心外，还有一些特色小菜，但价钱也不便宜，如果一班人来会比较化算，今晚只有2人，只好食点心，经理介绍了几款点心，而我哋又点了几款再加一盅炖汤。石斛螺头炖乌鸡($98)，说真的，如果卖$58还可接受
每天都有食肆开业、结业，你敢卖就有人买，话说有一段时期在湾仔附近上班，所以经常到兰杜街之焱川食好好食嘅鳗鱼饭，有时都会去对面荣式烧鸡扒，咁今晩下雨天经过湾仔谂住再去焱川怀缅下个鳗鱼饭，点之..............吓到我几惊青，最后原来只系搬咗去春园街，咁谂住行过去，点之行到浦和楼下，突然好大雨，但系点解浦和咁光猛？原来.......已结业，而家叫老爷点心，刚试业中，既然咁大雨，咁上去试下啦，可能系老天爷意旨呢？
可能系试业关系，除我哋外，只有另一枱客，环境感觉舒适的，枱与枱之间不会太窄、又有单丁高枱位、又有梳化位等，相信老板都几钟意玩鱼虾蟹，眼见茶壸餐具除筷子外，连窗口玻璃全部都有印住「老爷」字样，甚至碟嘅设计系由鱼、鸡、虾、蟹图样围住中间有「老爷」嘅字样，而字样外系用一个类似两个金钱叠住，而看似一个葫芦，咁就成副鱼虾蟹了，不过只系我推测，亦无问店员属实与否，但是所有都见到花心思的。
原来除了点心外，还有一些特色小菜，但价钱也不便宜，如果一班人来会比较化算，今晚只有2人，只好食点心，经理介绍了几款点心，而我哋又点了几款再加一盅炖汤。
石斛螺头炖乌鸡($98)，说真的，如果卖$58还可接受，但$98少少贵，因我只见一件乌鸡、一旧瘦肉、几条石斛、三粒连壳螺(螺头呢？)，个汤望落几清，不过都算甘甜。
蜂巢荔芋角($38)，食到有两件个皮少少韧，有一件正常，整体不够松化，馅料正常味道。
荷塘金鱼饺($68)，卖相真系几似金鱼，折饺手工做得不错，金鱼皮尚算烟韧，不过里面馅嘅虾可以做得更爽同更弹牙。
黑椒和牛酥($48)，卖相有90分，如果做法无变，就算用普通食材都应该一样好食，外层酥皮做得够松化，里面碎和牛粒同其他馅料味几夹。
墨汁小笼包($58)，基本上墨汁是无乜味的，咬开时见到个馅有少少黑色(相信是墨汁做成)，但如果要令人知道是墨汁小笼包就最好加多啲墨汁连汤响里面，要一咬开就要有黑色墨汁流出来，最好食到扒牙黑哂仲正，不过整体味道是不错的。
老爷头奖包($68)，是6件老爷头型嘅包，用匙将小碗内捞有炸脆片碎、菜甫粒、肉粒、冬菇粒等食材放入包内，少少辣，几得意，一啖一件，味道不错。
鲜虾翠竹卷(两食 - $48)，外皮炸到似腐皮卷，方便吸汤是不错的，虾也是新鲜的，同金鱼饺一样可能做得更弹牙，点虾个汤应该落咗胡椒，我直头饮咗啲，少少辣同咸，系用心机整的，不过用嚟点咗虾系食唔出呢个汤嘅味道，整体上是不错的。
饮品当然继续点较早前从网上得知「甜饮全球每年杀18万人，冻柠茶是凶手之一」成日害人不浅嘅凶手冻「柠茶」($18)，我当然唔怕死，呢杯饮料够冻够茶味，合格，最后加多一支可乐($12)。
其实都好饱，最后谂住只叫一个甜品，可能经理见我哋都食咗咁多嘢，所以送咗每人一个姜汁撞奶冻($18)同杨贵妃甘露($58)。姜汁撞奶冻，虽然好细杯，但坚系成杯仔都食到姜汁味，上面之碎啫喱已经食唔到乜味，唔系求其整的，奶冻够冻又算够滑，好食；杨贵妃甘露，够冻，食到系新鲜芒果、柚子，西米无黐埋一齐，椰奶及芒果汁份量做得不错。
整体水准算不错，不过都算几贵，经理已经送咗点品同计咗八折(可能试业关系)后都要$365，下次叫多啲人食可能平啲，另提提大家，大厦业主立案法团正维修走廊之男厕，所以要大家一齐共用女厕，都几唔方便，希望可快些完成工程，另某食物水准能够保持及某些可以做得好些，就系咁老爷点心来了难道佳(兰杜街)？日后会更佳。老爷点心地址 : 湾仔兰杜街4号电话 : 2328 8938
张贴
