金雀餐廳 (已結業)

口痕想食港式西餐，见到金雀嘅食评都唔错，所以就来试一试。餐厅有一种怀旧感觉，原来依度就系拍摄花样年华嘅地方，仲有2046。 听闻当年导演包咗间餐厅拍左几个月。先讲价钱，比想像中贵，一个全餐要＄140 。但见佢内容都几丰富，所以两人都叫咗全餐。面包同汤都算系合格啦，但唔算特别好味。个鱼柳算系几滑 ，不过个汁heavy左少少，味道有啲似之前个忌廉汤。个猪扒饭都几大碟， 个蛋炒饭低几香，猪扒林得黎亦带点香口。个牛应该唔系落咗好多松肉粉，林得黎都有啲牛香，但唔算好出。雪糕正常，但菠罗有啲酸。整体都算OK嘅，但唔好期望太高。