成發潮州菜館

营业中

休息中

九龙城基本上系泰国菜同潮州菜嘅天下，依家香港地嘅潮州菜做得越嚟越精致，反而呢类街坊格局嘅潮州菜，变得越嚟越买少见少。1. 韭菜猪红潮州菜馆有个特色，就系每一个冷档都会放一扎韭菜喺跟前，虽然唔知有乜嘢特别意思，但事实上，韭菜的确系潮州菜嘅一个重要元素。韭菜猪红口味偏辣，猪红入口结实，唔会松松散散，口感非常好，而且十分入味。2. 卤水三并卤水鹅、鹅肠、墨鱼卤水食得出淡淡的药材味，入口唔喊，几清爽。卤水鹅卤得非常入味，而且肉质非常嫩滑，美中不足系切得太薄，唔系太满足。鹅肠同墨鱼十分爽脆，送酒一流。3. 沙姜鸡脚鸡脚炆得十分淋，沙姜味好香，而且每只鸡脚都好大只，入口非常满足。4. 炸大肠全晚比较惊喜嘅一道菜，大肠固然有肥油脂肪，但外皮炸得十分松脆，而且大小切得刚好，食落唔会觉得肥腻。而最大功臣系酱汁，估计厨师用咗山楂之类嘅食材做酱，酸酸甜甜，非常解腻。5. 狮蚶第一次食狮蚶，抱住食生蚝嘅感觉去试，但味道同口感同生蚝当然完全唔同。狮蚶口感非常细嫩幼滑，入口咸、甘，有海水鲜味。传统小店喺香港越来越少，呢间潮州菜馆绝对值得一试！