佳寧娜潮州菜

营业中

休息中

团年饭，见个场面都热闹，伙记都够人，虽然个套衫都各有自己特色，拼出有趣画面，唔知系咪折射潮州老细孤寒嘅风格。菜式都稳打稳扎。虾蟹枣双拼、鹅片、春菜、糖醋面，全部都对办嘅，老实讲，个双拼叫做得唔错，真材实料。鹅片有豆腐托底，中规中矩。糖醋面唔够干身。乌头可说系当造，例牌小半条。可能系疫后第一次团年饭，楼面顶得住，厨房都顶唔住，结果甜品等咗大半个钟都未见，越坐越冻，见周围啲枱个个都妈妈声嗌漏单，嗱嗱声嗌埋单，点知连楼面都拖住一波，结果招呼紧包厢嘅姐姐都要帮手埋单。