廟街牛雜

营业中

休息中

呢间牛杂舖由当年老板仔嘅阿爸阿妈(估计系)年代已经开始帮衬，当时仲系车仔档，喺衣家舖头对住嘅庙街街口，当年斜对面仲有个阿姐卖炸猪大肠，坚好食，佢仲教我要食肠头，回味！讲返牛杂，基本上我就系钟意呢档够刁钻，可以食到好多出面无乜人做嘅部位，一般人食嘅肺、肠、膀、肚，除咗牛肺之外其他𠮶d我都唔太钟意食，因为嫌佢普通得滞，我嘅心水系脆骨同心定，脆骨其实就系喉咙位置(应该系，除非唔系)，含大量软骨，至于心定就系心脏顶嘅大血管，好爽架，质感似牛黄喉，如果大家都钟意刁钻位，咁就真系要试吓啦。