影片
更多
2022-09-28
2338 浏览
食物包含鱼翅环保人士不喜勿插🫣🫣星期一早收工，同朋友约咗喺上环食饭。朋友细个住上环，话有一间饭店喺佢细细个嘅时候已经喺度但一直以来都未食过，同埋好耐冇食过鱼翅，所以想一尝呢间潮州老饭店。今次我想讲咗服务态度先5/5⭐️店内员工，大多数系叔叔婶婶，但佢哋嘅服务态度认真有礼，真系要俾五粒星👍🏻我哋𠮶日好早去到去到饭店，时间都未到5:30pm，喺门口见到餐厅内嘅员工还在休息，我哋就问佢哋开舖未，佢哋一见到有客人就即刻起身开工，招呼我哋上咗一楼。一坐低员工已经呈上功夫茶同咸菜，帮我哋开杯斟茶，准备盒装纸巾同湿纸巾准用，服务同我想像中嘅旧式饭店完全唔同👍🏻 食饭途中亦会为相应嘅食物准备唔同嘅餐具，另外换碟同埋添茶都非常殷勤👍🏻帮我哋落单嘅叔叔员工仲耐唔耐都会问吓我哋好唔好食或者点样食会好食啲，同埋介绍吓啲𩠌菜咁，非常欣赏❤️跟住就讲食物，我哋点咗白灼螺片，卤水鹅片拼墨鱼一个大鲍翅、一个潮州翅同埋韭菜盒。咸菜同功夫茶 4/5⭐️一坐低就会有咸菜同功夫茶自动上枱，功夫茶细细杯第一啖饮落好似普洱𠮶啲红茶，但之后就有啲回甘嘅味道都几好饮；咸菜佢哋腌得味道适中唔太浓味，但系又会令到你好想继续食下一块嘅感觉🤣白灼
星期一早收工，同朋友约咗喺上环食饭。朋友细个住上环，话有一间饭店喺佢细细个嘅时候已经喺度但一直以来都未食过，同埋好耐冇食过鱼翅，所以想一尝呢间潮州老饭店。
今次我想讲咗服务态度先5/5⭐️
店内员工，大多数系叔叔婶婶，但佢哋嘅服务态度认真有礼，真系要俾五粒星👍🏻
我哋𠮶日好早去到去到饭店，时间都未到5:30pm，喺门口见到餐厅内嘅员工还在休息，我哋就问佢哋开舖未，佢哋一见到有客人就即刻起身开工，招呼我哋上咗一楼。
一坐低员工已经呈上功夫茶同咸菜，帮我哋开杯斟茶，准备盒装纸巾同湿纸巾准用，服务同我想像中嘅旧式饭店完全唔同👍🏻 食饭途中亦会为相应嘅食物准备唔同嘅餐具，另外换碟同埋添茶都非常殷勤👍🏻
帮我哋落单嘅叔叔员工仲耐唔耐都会问吓我哋好唔好食或者点样食会好食啲，同埋介绍吓啲𩠌菜咁，非常欣赏❤️
跟住就讲食物，我哋点咗白灼螺片，卤水鹅片拼墨鱼一个大鲍翅、一个潮州翅同埋韭菜盒。
咸菜同功夫茶 4/5⭐️
一坐低就会有咸菜同功夫茶自动上枱，功夫茶细细杯第一啖饮落好似普洱𠮶啲红茶，但之后就有啲回甘嘅味道都几好饮；咸菜佢哋腌得味道适中唔太浓味，但系又会令到你好想继续食下一块嘅感觉🤣
白灼螺片3.5/5⭐️
听闻呢度嘅白灼螺片系招牌菜，Menu写嘅系时价，个日售价系$1100一片我哋于是就叫咗一块谂住share，相片系半块嘅size。因为员工已经好勤快帮我哋切开左一半同分埋碟，一人一份。味道鲜同爽口，完全冇腥味，配埋佢哋嘅虾酱又有另一番风味，不过价钱嚟讲觉得偏贵，所以俾3.5⭐️🫣
卤水鹅片拼墨鱼 4/5⭐️
Menu无双拼同冇鹅片，我地问员工可唔可以做到佢哋话冇问题👌🏻味道方面，鹅片同墨鱼唔韧同爽口，另外仲有几件鹅肉，配埋酱料，好味道。酱料，仲要系一人一碟，够晒卫生，抵赞。垫底嘅豆腐吸晒佢哋嘅卤水汁唔太咸又嫩滑，好好味。
红烧大鲍翅 5/5⭐️
今日嘅主角，红烧大包次，汤底够热，味道浓郁，入边嘅翅一梳梳有啲真系好似筷子咁粗；另外配埋芽菜同埋芫荽仲有金华火腿丝捞埋个汤一齐饮，又系另一种味道芫荽真系为呢个汤底生色不少。
潮州红烧鱼翅 4/5⭐️
我哋特登带咗另一个唔同嘅翅，想同个红烧大鲍翅比较一下佢嘅汤底同翅嘅分别，个汤底有啲唔同有啲回甘嘅味，几特别，但系佢嘅翅同红烧大鲍翅比就真系几大分别，冇一梳梳同埋个粗度都争几远。
韭菜盒 3.5/5⭐️
嗌嘅时候以为个馅料系韭菜，上到枱食既时候先知道原来佢个韭菜系捞左入个皮度猜，入边嘅馅料系海鲜馅料。个皮有少少烟烟韧韧，唔系脆卜卜嘅感觉，调味唔咸，几特别，可以一试。
糖水清心丸斗豆爽 5/5⭐️
差唔多食完我哋谂住嗌糖水，因为好钟意食潮州糖水，特别系清心丸。员工就话有豆爽糖水送，即系好似人哋红豆沙细细碗咁饭后甜品。我哋问可唔可以加埋清心丸落去🫣，叔叔员工话冇问题就即刻去煲糖水👍🏻👍🏻佢知道啲糖水就嚟煲好，但系佢帮紧其他人落单都特登叫同事准备糖水俾我哋，非常上心❤️❤️豆爽糖水味道唔太甜，清心丸煲得透彻，烟烟韧韧配埋豆爽一齐食，有口感又好味道。
总括嚟讲，今次老饭店嘅体验非常之好，完全冇谂过店内嘅员工做事上心态度殷勤超级抵赞，食物方面，红烧大鲍翅真心推介。
65 浏览
1 赞好
0 留言
65 浏览
0 赞好
0 留言
77 浏览
0 赞好
0 留言
90 浏览
1 赞好
0 留言
红烧大鲍翅
101 浏览
0 赞好
0 留言
潮州红烧翅
59 浏览
0 赞好
0 留言
50 浏览
0 赞好
0 留言
张贴
