影片
更多
2014-06-21
1464 浏览
今日夜晚十点揸车出佐敦揾野食，去到白加士街啱啱好有位泊车，一落车就正正系依间四年无食过既老牌面店门口，就决定入去食之前仲系面书打卡，入到去就坐低，一个年轻朋友覆我既面书话依间野晤好食，咁就更加要试下，一间唔好食既面档有咩法宝可以生存到超过半个世纪咁耐。 平时听人讲麦文记主打「细佣」同「猪手」，不过你想食其他既，种类之多，绝对系有一样啱您口味，当然我今次系食「细佣」，加「菜心」 先讲下菜心，眼望落去已经可见，菜叶全部都系嫰叶，菜茎太过粗既位置都切去，食落爽，嫩，而且唔会起渣难咬，可见择菜，切菜既细心。 再黎系云呑面，同数年前一样，要饱肚最小食两三碗先得，份量绝对地小。食一口面......面质同一般面档唔同，无滑得过火既口感，更无重口味既枧水味，面条易咬，唔会死咬唔断，更有阵阵蛋味。再咬一口云呑，云呑虾肉爽口弹牙，绝对新鲜，云呑皮够薄，咬落去唔会有黏牙感觉，而且云呑落左麻油，令香味更甚。汤底够清而唔淡，香而唔浓。 食完比我既感觉到同几年前食完全无分别，老牌子果然系信心保证，而且食野千祈唔好信人，自己咩都试下，钟意食下次再黎，唔钟意就以后唔好黎，
平时听人讲麦文记主打「细佣」同「猪手」，不过你想食其他既，种类之多，绝对系有一样啱您口味，当然我今次系食「细佣」，加「菜心」
先讲下菜心，眼望落去已经可见，菜叶全部都系嫰叶，菜茎太过粗既位置都切去，食落爽，嫩，而且唔会起渣难咬，可见择菜，切菜既细心。
再黎系云呑面，同数年前一样，要饱肚最小食两三碗先得，份量绝对地小。食一口面......面质同一般面档唔同，无滑得过火既口感，更无重口味既枧水味，面条易咬，唔会死咬唔断，更有阵阵蛋味。再咬一口云呑，云呑虾肉爽口弹牙，绝对新鲜，云呑皮够薄，咬落去唔会有黏牙感觉，而且云呑落左麻油，令香味更甚。汤底够清而唔淡，香而唔浓。
食完比我既感觉到同几年前食完全无分别，老牌子果然系信心保证，而且食野千祈唔好信人，自己咩都试下，钟意食下次再黎，唔钟意就以后唔好黎，好似依家面档，我第时都会黎食。
张贴
