皇后飯店 (已結業)

到晚饭时间，想正经食过饭，就同男朋友黎呢间。我要左粟米石斑饭，粟米汁既粟米数量唔少，粒粒都系肥大既，甜甜地，唔错，而且混入左少许火腿同洋葱，令个汁几香，汁质地较杰身，捞饭几好，唔似出面食到既又稀又冇味汁，当然，一分钱一分货。石斑份量几多，外层微脆，肉质嫩滑，唔黏牙。饭质地硬身，几岩口味，好快清碟。男友要左烩咸牛脷饭，我试左一旧。牛脷几滑，几稔，数量都唔少，汁似罗宋汤，但味道较酸，混入唔少配料，有红萝卜，薯仔，芹菜，洋葱，𩠌同饭分开上，份量好似比我个饭多。