影片
更多
2018-12-21
263 浏览
同朋友出去食宵夜，好多时都拣呢间店，因为开得够夜，又冇咁多人，同女友Share完一碗「胜利牛丸」，本身谂住去食鸡粥，但实在太等人等位，又唔想等咁耐，于是就冇佢去食我同朋友们既宵夜饭堂「至友美点」。点心店咁岩果日做紧无线颁奖礼，同女友食住睇电视，比较晏少少既时间，差唔多9点先黎，所以都多空位。食物选择真系唔算多，一张双面餐牌睇哂，不过你想食既应该都会有，同埋呢到通常都整好放系热炉热住，所以一叫完野食就会有得食，茶位就$3/位。至友虾饺皇(特点) $20由于同一日早上我地两个已经食左烧卖，所以冇点到点心友必食既烧卖而叫左虾饺皇，有4粒，质素正正常常，虾都算弹牙，唔会霉。香芋鸭脚扎(中点) $17鸡扎周围都有得食，但系鸭脚扎就唔算太多地方有，入面仲放左芋头同猪肉整成既肉块，鸭脚两只都咁大只咁靓仔，损脚都系损汁同个味为主而唔系多肉，呢个我觉得几抵食。凤爪排骨饭 $25几乎每一次黎都会点盅饭，而眼见亦都每一枱都会点一盅，虽然价钱其实相对上好似贵左少少，$25但系好细盅，不过前排天气冻，冻既天气之下再食盅热腾腾既饭真系好正，而味都系中规中矩，饭会比较稔左少少，硬身返会好咬口啲。蜜味叉烧肠 $
点心店
咁岩果日做紧无线颁奖礼，同女友食住睇电视，比较晏少少既时间，差唔多9点先黎，所以都多空位。
食物选择
真系唔算多，一张双面餐牌睇哂，不过你想食既应该都会有，同埋呢到通常都整好放系热炉热住，所以一叫完野食就会有得食，茶位就$3/位。
至友虾饺皇(特点) $20
由于同一日早上我地两个已经食左烧卖，所以冇点到点心友必食既烧卖而叫左虾饺皇，有4粒，质素正正常常，虾都算弹牙，唔会霉。
香芋鸭脚扎(中点) $17
香芋鸭脚扎(中点)
$17
74 浏览
0 赞好
0 留言
鸡扎周围都有得食，但系鸭脚扎就唔算太多地方有，入面仲放左芋头同猪肉整成既肉块，鸭脚两只都咁大只咁靓仔，损脚都系损汁同个味为主而唔系多肉，呢个我觉得几抵食。
凤爪排骨饭 $25
几乎每一次黎都会点盅饭，而眼见亦都每一枱都会点一盅，虽然价钱其实相对上好似贵左少少，$25但系好细盅，不过前排天气冻，冻既天气之下再食盅热腾腾既饭真系好正，而味都系中规中矩，饭会比较稔左少少，硬身返会好咬口啲。
蜜味叉烧肠 $19
蜜味叉烧肠
$19
16 浏览
0 赞好
0 留言
店员话系即整要等耐啲，但其实都唔洗点等，其他野食上完枱就已经有。食点心又点少得肠粉，呢度肠粉算造得几晶莹剔透，肠粉皮唔算太厚，食落唔会成口都系粉，不过有一个比较唔好既地方就系唔够热，食肠粉要热腾腾食先好食。
讲真，食呢间都系方便同埋唔算太贵，加上易揾位，你知依家元朗愈来愈多人，唔理系本身住系元朗入面家系游客，好多间依肆都要等位，所以有时会中意黎呢到食野，你话味道就真系唔好抱咩期望，因为佢大多数野食都系一早整定，个热炉又唔够热，所以啲野食上枱都系暖暖地唔算好热，唔好咁高要求，就系一间正正常常老式啲既点心舖啰～
张贴
