影片
更多
2020-10-16
140 浏览
讲真，本身唔想公开，因为舖头细细，怕你哋蜂拥而至我食唔到。但首先我无影响力，其次好嘢本应开心share。食过几次，主菜试过西班牙黑豚肉日本元贝台湾面(几国际化)，豚肉嫩，肥瘦适中，肉味偏淡，中和返鲜鸡汤底嘅浓厚。元贝直情系一嚿嚿咁堆上嚟，慷慨程度令人感动。个面好滑但唔会无口感，最劲抽系啲葱，竟然用日本京都九条葱，系唔系好过分？老板娘傻咗！而我！感动到哭_咗！小食玫瑰露鸡翼，酒香慢慢渗出嚟，好过瘾，卤水有层次唔系咸咁简单，只只size一样，肉厚又嫩滑，拣过先奉客，诚意有眼睇。最最值得介绍系甜品🍮，至今试过几款，金箔龙眼冰粒粒龙眼都咁大咁圆，新鲜生果嘅清甜爽口，无得呃人。老板娘话男朋友做果栏生意，所以入到拣手货🤪😋另外试过芋圆杏仁露，个杏仁味好浓、好香，食紧都觉得补，块面白咗两度。芋圆软绵绵有咬口，好治愈。至于椰汁芋头糖水系最新嘅潮州风系列，我从未食过咁杰嘅芋头糖水，食到芋头丝同蓉，好饱足，不计功本，真心颠。超亲切健谈嘅老板娘话自己开店都系寻开心，钟意煮，又钟意分享，唔讲赚钱，我信咖，你去试一次就知！
食过几次，主菜试过西班牙黑豚肉日本元贝台湾面(几国际化)，豚肉嫩，肥瘦适中，肉味偏淡，中和返鲜鸡汤底嘅浓厚。元贝直情系一嚿嚿咁堆上嚟，慷慨程度令人感动。个面好滑但唔会无口感，最劲抽系啲葱，竟然用日本京都九条葱，系唔系好过分？老板娘傻咗！而我！感动到哭_咗！
西班牙黑豚肉日本元贝台湾面
13 浏览
0 赞好
0 留言
小食玫瑰露鸡翼，酒香慢慢渗出嚟，好过瘾，卤水有层次唔系咸咁简单，只只size一样，肉厚又嫩滑，拣过先奉客，诚意有眼睇。
玫瑰露鸡翼
16 浏览
0 赞好
0 留言
最最值得介绍系甜品🍮，至今试过几款，金箔龙眼冰粒粒龙眼都咁大咁圆，新鲜生果嘅清甜爽口，无得呃人。老板娘话男朋友做果栏生意，所以入到拣手货🤪😋
金箔龙眼冰
22 浏览
0 赞好
0 留言
另外试过芋圆杏仁露，个杏仁味好浓、好香，食紧都觉得补，块面白咗两度。芋圆软绵绵有咬口，好治愈。
杏仁芋圆露
13 浏览
0 赞好
0 留言
至于椰汁芋头糖水系最新嘅潮州风系列，我从未食过咁杰嘅芋头糖水，食到芋头丝同蓉，好饱足，不计功本，真心颠。
椰汁芋头糖水
15 浏览
0 赞好
0 留言
超亲切健谈嘅老板娘话自己开店都系寻开心，钟意煮，又钟意分享，唔讲赚钱，我信咖，你去试一次就知！
张贴
