影片
更多
2013-07-05
538 浏览
系一个月前系网上买左团购飞,谂住男友生日同埋一家去开开心心庆祝生日,点知完全跌破眼镜啰 早一个星期前已经book左今日8点dinner,去到竟然被张大枱我地,我地都觉得古怪,啲伙计都主动话有细枱转被我地,,喂,食个晚饭边个中意搭枱架,等下等,,隔离细枱既客人都系团购,个伙计要佢地同我地一齐坐埋,个客梗系唔制,但伙计搬晒佢啲餐具嚟我地枱,焗住要人坐坐下调枱,,仲话团购系要枱搭系要咁坐,真系火都嚟,张4人团购飞都盛惠700大元架,哗,难道我地唔系客人吗? 再嬲既陆续有来,眼见有2,3位客人迟过我地入嚟都可以转枱,我地呢?完全无视我地既需求,一张8人枱我地每家各有10客𩠌,都唔知点有可能食得舒服更别想能享受佳肴啦!我地再次要求转枱,个老细终于过来理论,：(你地系团购,我地不嬲都要榙枱)我地回应,你团购飞条文无写,订位亦无讲,就连入座都无讲,我地入座都讲明不想榙枱,你地伙计亦话会安排,老细即刻发火大声讲(我系老细,我话咁就系咁,三十几年都系咁,你地啲团购飞唔食咪走啰)哗,学刘德华话济,今时今日咁既服务系唔得,,,我地点?又惊佢加料又唔想嘥钱㖞,焗住食啰,跟住被我地听到佢向个伙计发火(咁简单
早一个星期前已经book左今日8点dinner,去到竟然被张大枱我地,我地都觉得古怪,啲伙计都主动话有细枱转被我地,,喂,食个晚饭边个中意搭枱架,等下等,,隔离细枱既客人都系团购,个伙计要佢地同我地一齐坐埋,个客梗系唔制,但伙计搬晒佢啲餐具嚟我地枱,焗住要人坐坐下调枱,,仲话团购系要枱搭系要咁坐,真系火都嚟,张4人团购飞都盛惠700大元架,哗,难道我地唔系客人吗?
再嬲既陆续有来,眼见有2,3位客人迟过我地入嚟都可以转枱,我地呢?完全无视我地既需求,一张8人枱我地每家各有10客𩠌,都唔知点有可能食得舒服更别想能享受佳肴啦!我地再次要求转枱,个老细终于过来理论,：(你地系团购,我地不嬲都要榙枱)我地回应,你团购飞条文无写,订位亦无讲,就连入座都无讲,我地入座都讲明不想榙枱,你地伙计亦话会安排,老细即刻发火大声讲(我系老细,我话咁就系咁,三十几年都系咁,你地啲团购飞唔食咪走啰)哗,学刘德华话济,今时今日咁既服务系唔得,,,
我地点?又惊佢加料又唔想嘥钱㖞,焗住食啰,跟住被我地听到佢向个伙计发火(咁简单都唔识处理,你点做野架)哗,最基本对待员工都做唔到,点样生存系饮食行业上???
去番食物上,谂住佢地咁鬼串,应该食物几好啦,,第一道,卤水拼盘,无味又鞋口,,,第2道,炸九肚鱼,粉厚又冻冰冰,十足十炸定咁,第三道,蚝仔粥,都算普通啦,不过入面有既柴鱼完全未煲淋,系硬既,主菜姜葱炒蟹,大叫人失望,其他都唔讲啦,成餐饭too salty,反而个红豆沙最唔错,,,哈哈,间潮州店最好食竟然系糖水,不如转行开糖水店,,差唔多想埋单时,个老细同个疑似……佢个仔既密密倾,跟住我见到佢影我男友相,哗,真系唔知佢想点架㖞,,走个阵,个伙计同我地讲唔好意思,个伙计都不值老细所为,好认真讲一 句,老细唔系大晒,咁巴闭就咪打开门口做生意
见个鬼都怕黑,以后唔会买团购飞,各位朋友仔,唔好帮衬呢间(潮州店)700元,惟有买个教训,过左一年难忘生日饭啦！
题外话/补充资料：
团购真系好无保障
(以上食记乃用户个人意见 , 并不代表OpenRice之观点。)
张贴