金裝燉奶佬餐廳 (已結業)

公司多野做，所以老细话叫外卖食。知道有间新开张既茶餐厅，就话不如试下。　可能因为第一日开张，所以有少少混乱，连外卖纸都冇。环境卫生：好光猛，好干净，全部卡位，好寛堂，坐落真系好舒服（我只系坐系到等外卖），感觉好似高级茶餐厅。　服务：可能系新开张，对餐厅提供既食物同价钱唔够认识。服务态度真系麻麻...　欠缺笑容，不大友善，好似唔系好想做咁。味道：　巴基斯坦咖哩牛腩饭：老细话太多饭，下次可以叫少饭。巴基斯坦咖哩好正，因为够辣，个牛腩又够啉。　粟米鸭胸天使面配忌廉蘑菇汤：忌廉蘑菇汤唔会太杰，味道唔错。鸭胸天使面份量真系好多，我都差不多食唔哂。天使面唔会煮到一旧旧或者一pat pat，抵赞。个粟米汁好亲个鸭胸，不过个鸭胸有少少硬。我同同事今日下午准备再去试第二D餐。