銀杏館 (已結業)

之前行过银杏馆都想试，不过午餐成旧水又好似贵左d，最近见到佢有个$268晚餐，好抵甘㖞！呢间社企餐厅系比长者工作的，咪睇佢地个个年纪大，其实佢地不知几灵活，我怀疑其中一个以前做Sales添，当见到你个样好似有d懊恼唔知拣咩好（个餐都真系几多野拣），老友记就top sales上身，行埋黎介绍一番。最终我地拣左前菜系韩式炸鸡，老友记话出面少有（佢岩！），主菜拣左个石头饭同汉堡包。先黎个无得拣既粟米汤，真系用粟米打蓉煮的，新鲜！至于个韩式炸鸡食落唔似食斋菜，韩式辣酱包住粒面根，洒上大量芝麻，辣辣地，几惹味！个石窝饭劲满，老友记好醒甘拎埋只碟比我笔起d𩠌，上面既肉碎又系唔似斋，似真肉碎，而且好多𩠌，啖啖都系𩠌；至于个汉堡，块肉有d似麦香鸡，唔知系大豆做既关系，定还是用花生油炸过，食起上黎好大阵花生香，但就有点油腻。咪睇佢呢个二人餐，两份主菜都好大份下，2个人系捧住个肚走人，晚餐$268绝对抵食，而且班老友记话头醒尾，系愉快既一餐！