老荔冰室

营业中

休息中

星期日嘅下午，咁啱经过荔枝角，见到一间餐厅出面排左好多人，原来系一间好特别怀旧装修嘅冰室。好奇之下入去试下，见到样样食物都好吸引，贪心嘅我叫咗一个全餐，可以一次过试到热香饼猪扒等等，热香饼好松软，如果可以配埋沙爹牛同埋芝士相信会更加好味。麻麻猪扒有好少嘅辣味，就算唔食得辣嘅朋友都可以试下。好想叫埋佢嘅朱古力西多士，可惜已经好饱食唔落，唯有等下次带埋朋友一齐去试。总结：装修好靓，配埋八九十年代嘅广东音乐，感觉好好，可惜地方细座位有限，各位可能要排队等一等。