霸嗎拉麵 (德己立街)

营业中

休息中

外籍舞友好多都对兰桂坊特别感兴趣，碰巧九月最后一个周日晚喺该区有新探戈舞会开幕，朝早去完教堂就约咗几位好饮之徒落老兰逛一逛，顺便指出当晚舞会o既所在地。因深明空肚饮酒极之伤身，四个大男人就走咗入去街口间「霸吗拉面」度每人食咗个拉面打定底。中午时份，小店已九成满座，中央开放式厨房内o既师傅都忙得团团转。由于食拉面真系好快搞掂，AA制又可以各自填写点菜纸，分开坐都完全冇问题。可能南美国家唔多拉面店，舞友见到桌上o既自助式餐具、酱油、纸巾、开水都大感新奇。XO仔因有意饭后饮返几轮，午餐就决定要碗「特盛炙烧豚肉拉面」，再加多客「羽根烧饺子」。羽根烧饺子（$35/五件）：饺子皮层好够薄，且一啲都唔油腻，烧咗𠮶一边就好香脆，另一边则较为柔软，馅心芳香带甜，食落又有少少脆脆地，劲啱细佬口味。特盛炙烧豚肉拉面（$118）：热辣辣o既拉面有四大片厚切五花腩，当真开正食肉兽𠮶范。五花腩层次分明，软熟惹味，个人只系略嫌腩片厚咗少少，如果可以每片再开二，相信可更易入口。拉面幼身o既面条软硬适中，汤底香浓甜美，就连配菜o既荀片及青葱都爽脆可口。吃毕刚好为饭后o既欢乐时光打底，「Kampai, Kampai」！