影片
更多
2018-04-24
32 浏览
今日同个同事，埋头帮客人个app做 debug，做到5点几都未食野， 个同事见肚饿，叫我一齐出去揾食。由于我约左班旧同事放工落兰桂坊Happy Hour，所以我提议过老兰食日本拉面。一到老兰，我地比一间蓝色字招牌嘅铺头吸引。当然转plan B 食车仔面。 入面装修几简洁，不过最正系四面墙都装晒 USB 头，连power supply 都有，捧埋部laptop黎做presentation都ok㖞，哈哈。落单都系用剔剔纸，价钱由 1 𩠌 36 蚊到 5 𩠌 64 蚊，唔算太平，不过一定平过日本拉面。都系要自选面，汤底，配料。我剔咗5𩠌幼面，另加椒盐鸡软骨同埋Coke Zero，同事就要咗3𩠌菠菜面，椒盐烧卖同埋柚子茶。柚子茶原来唔系杯上，系胶樽上，同事话太细樽，唔够喉，唔太甜，几好饮。椒盐烧卖皮唔够脆，有点韧，比较失色。椒盐鸡软骨几脆口，味道都好正路，不过肥咗少少。我碗5𩠌面送到面前，发觉店家都几认真，连公鸡碗都系自家出品。幼面都算爽口，猪皮有咬口，猪肚猪肠干净无猪味，素鲍片有点韧，最正系牛腩，够味够爽。同事果菠菜面，佢话菠菜面好好味，不过甜酸斋太油腻，鲜腐竹好味，猪红无猪味，唔会一夹就散
由于我约左班旧同事放工落兰桂坊Happy Hour，所以我提议过老兰食日本拉面。一到老兰，我地比一间蓝色字招牌嘅铺头吸引。当然转plan B 食车仔面。
入面装修几简洁，不过最正系四面墙都装晒 USB 头，连power supply 都有，捧埋部laptop黎做presentation都ok㖞，哈哈。
落单都系用剔剔纸，价钱由 1 𩠌 36 蚊到 5 𩠌 64 蚊，唔算太平，不过一定平过日本拉面。都系要自选面，汤底，配料。我剔咗5𩠌幼面，另加椒盐鸡软骨同埋Coke Zero，同事就要咗3𩠌菠菜面，椒盐烧卖同埋柚子茶。
柚子茶原来唔系杯上，系胶樽上，同事话太细樽，唔够喉，唔太甜，几好饮。
椒盐烧卖皮唔够脆，有点韧，比较失色。
椒盐鸡软骨几脆口，味道都好正路，不过肥咗少少。
我碗5𩠌面送到面前，发觉店家都几认真，连公鸡碗都系自家出品。幼面都算爽口，猪皮有咬口，猪肚猪肠干净无猪味，素鲍片有点韧，最正系牛腩，够味够爽。
同事果菠菜面，佢话菠菜面好好味，不过甜酸斋太油腻，鲜腐竹好味，猪红无猪味，唔会一夹就散。
老兰食面多个选择，唔使次次都系食拉面啦!
张贴
