老街 (已搬遷) 新店位置

成日都觉得旺角依家冇咩好食, 一系就做游客生意又贵服务又差。不过最近发现原来好多新餐厅开咗系旺角东站附近啊。寻日又走咗去试多一间台式餐厅。七点半左右到, 铺头都几近坐满。一入到去就觉得自己好似离开咗嘈杂既旺角, 装修以木材为主, 加上少少草皮装饰, 地方小小, 但有一种温暖同放松既感觉。我地两个人叫咗都几多野食, 先黎小食猪耳~ 细细份可以咬下当前菜, 都几开胃架跟住呢个五味茄子系诚意推介, 茄子配上日式既木鱼同特制酱汁,有少少茄汁既感觉酸酸甜甜咁。茄子本身味道冇被掩盖又增加咗唔同层次既味道。就咁捞饭食都一流啊! 而确实, 同行既朋友系叫咗大份既肉燥饭既。肉燥既味道同白饭真系好夹。酱汁浓而不腻, 仲要唔系得煮到烂既肉碎, 每一啖肉燥都口感丰富而滑嫩, 香气令人食指大动我心血来潮忽然想食辣, 于是叫咗麻辣猪软骨面。哗佢未放到上台我已经闻到阵麻辣香味喇!!个汤唔系话真系好辣, 对我黎讲啱啱好, 不过食开酸辣粉大辣既人就可能要加辣喇。猪软骨份量十足, 食完个面其实都饱哂。但食台湾野真系唔少得要叫盐酥鸡既。餐牌上面有净盐酥鸡同拼盘, 朋友想食台湾肠所以我地就拼咗两样黎食。台湾肠真系好好食, 煎