影片
更多
2011-04-05
21 浏览
略略睇过之前十多篇食评，真系觉得有点失实报导、做梅之厌 ~ 食家们大多只有 1 篇到几篇食评。经亲身试过后，完全跟赞好既食家们完全相反，莫非只不过系我黑仔？定揾老衬呀？食物质数差、服务不殷勤，侍应们有点游魂，只属港式茶餐厅中下级水平。睇个 menu 啲选择都几多，又可以话系新派又可以话系港式。试左几味，感到有点金肉其外、败絮其中。装修同环景都几好，卡位舒服，但坐独立枱就有点窄，而且密度高，有点迫夹。格局、环境同气氛好有日本快餐 feel ~ 传闻系金源茶餐厅老板开既，唔知真定假呢？Order 漏单、每次添茶都要示意，不会留意食客有咩需要，上餐时求其掉低就转头走，全程毫无笑容，同金源茶餐厅既服务水平同出一彻。第一次黎，坐低望望 menu，颜色鲜艳，印刷都几精美㖞，都好多选择，真系一试难忘 ﹗极上刺生盛，有八款。甜虾、油甘鱼、带子、三文鱼、立鱼薄切、吞拿鱼、北寄贝及𫠒红鱼，恶梦既开始。甜虾、油甘鱼及带子，温度过低，雪得太冰，放入口连牙骹都冻到震，太冻跟本尝唔到任何味道，唔好要求话要鲜甜味喇，依家系完全无味，最离谱系甜虾，雪到有点入雪。三文鱼味淡，脂肪少，超级市场平价货式，无三文鱼应有既鲜甜
食物质数差、服务不殷勤，侍应们有点游魂，只属港式茶餐厅中下级水平。睇个 menu 啲选择都几多，又可以话系新派又可以话系港式。试左几味，感到有点金肉其外、败絮其中。装修同环景都几好，卡位舒服，但坐独立枱就有点窄，而且密度高，有点迫夹。格局、环境同气氛好有日本快餐 feel ~ 传闻系金源茶餐厅老板开既，唔知真定假呢？Order 漏单、每次添茶都要示意，不会留意食客有咩需要，上餐时求其掉低就转头走，全程毫无笑容，同金源茶餐厅既服务水平同出一彻。
第一次黎，坐低望望 menu，颜色鲜艳，印刷都几精美㖞，都好多选择，真系一试难忘 ﹗
极上刺生盛，有八款。甜虾、油甘鱼、带子、三文鱼、立鱼薄切、吞拿鱼、北寄贝及𫠒红鱼，恶梦既开始。
甜虾、油甘鱼及带子，温度过低，雪得太冰，放入口连牙骹都冻到震，太冻跟本尝唔到任何味道，唔好要求话要鲜甜味喇，依家系完全无味，最离谱系甜虾，雪到有点入雪。三文鱼味淡，脂肪少，超级市场平价货式，无三文鱼应有既鲜甜味道。立鱼薄切，口感腍劈劈，正常新鲜既理应咽靭弹牙，口感实净，立鱼本身味淡，系食其口感及鲜味，可配淡酱油同吃，但依度啲酱油似乎淡得滞㖞。吞拿鱼，红肉部份属最平宜，瘦干鞋啖，无喇。北寄贝，够腍，无其他可讲。
𫠒红鱼，唯一最满意，未见过切得大大旧，抵食，口感鲜嫰棉滑，鱼油丰盈又肥美，鱼香充满口腔，好味道。
海胆军舰，海胆味鲜浓，份量又够多，配埋味道清新既青瓜丝，真系好好味。不过紫菜又腍又靭既，完全唔脆，要扣分。卖相求其，有点凌乱，唔够整齐，要扣分。最严重系啲饭，饭仲热架㖞，热饭寿司？真系闻所未闻 ﹗口感劲湿、劲笠、浆住个口，唔干爽，黐埋一旧，完全无甜醋味，味带苦涩，港式白饭，超劣 ﹗连饭都著得唔好，掂开寿司店呀。
软壳蟹手卷，睇个卖相，感觉似一早先卷好啲饭备用，当收到 order 时，就将啲馅插入去咁。依家就好似将软壳蟹硬插去中间。饭 ﹗同样地啲饭仲热架㖞，口感劲湿、劲笠、浆住个咀、唔干爽、无甜醋味，唔似用正宗日本米煮架㖞。块紫菜直头好似层皮咁靭，好辛苦先用牙扯开，完全唔系脆卜卜既紫菜，到底搞咩呀？﹗可能系啲饭又湿又热搞到块紫菜腍晒。
唯一可取既系炸软壳蟹，做得唔错，薄薄一层天妇罗脆浆，炸得干爽金黄香脆，不油不腻，几好味。
金龙虾芝士卷，又系啲饭，差到无人有，先前已讲过点恶劣法，唔再提。其实虾味鲜甜，炸得金黄香脆，系好味既，配埋沙律酱同牛油果，不俗。但系个饭真系要掉去垃圾桶呢，影响整个评分。
辛辣海鲜手打乌冬锅，石头锅热辣辣滚住放上枱，够晒气派。辛辣？﹗系咪呀？﹗用个味精加豉油汤底加啲辣油就当系，离谱啲㖞。辛辣汤底理应橙红色、有浓郁既酸辣味道及香气。依碗真系手打乌冬？﹗唔系挂？﹗形状、口感同味道跟超级市场买既机做博多即食乌冬一模一样，依家形状弯弯曲曲、口感滑但咬落系硬实。手打乌冬口感应当咽靭弹牙又嫰滑，味重米香，形状垂直而粗幼略有不一，还会带方形。海鲜乌冬配料有急冻青口两粒，急冻带子一粒，无味。雪藏虾，廿十成熟，又鞋又硬，当然都系无味。
最好食既系什菌、什菜、金菇同日式鱼蛋片，多谢晒。
结账要成 HKD300 多，咁既质数几平都唔值，食得唔开心，唉。
张贴
