影片
更多
2017-01-02
452 浏览
同老豆两个人揾饭食，车我返去以前细个成日去食嘅彩龙。宜家装修晒仲有茶舞跳。叫左个三𩠌套餐，138。老豆话佢有时都会黎饮早茶同埋我地无人返黎食都会自己一个落去食晚饭慢慢坐，因为顺路返屋企。成张纸选三碟，老豆特意提醒唔好叫鱼同埋虾仁蛋😂话佢个厨师啲蛋分开炒上面放虾😂啲鱼会老话我咀尖一定会唔食😂😂叫左荷芹炒腊味、海蜇勋蹄、金银蛋菠菜好似好稳阵。好喇上菜好快，荷芹炒味肉个样都四正既，有好软既腊肠同好油既腊肉，啲豆好绿，但我老豆话啲豆老过老豆😂食得出啲豆豆放左几日有啲渣哈哈。海蜇勋蹄⋯⋯勋蹄系冇问题嘅，但系啲海蜇呢🙄完全系即食＄10一包𠮶只仲要系啲cheap版𠮶啲⋯⋯啲海蜇薄到飞起，老豆仲问系咪胶黎😂我话呢啲即食野我食过，佢地仲用返佢哋𠮶个味精捞埋落去😂咸到呢。金银蛋菠菜下面啲菠菜同金银蛋又系分开嘅😂叫做有啲肉碎咁啦。但系呢有啲水腥味，好明显个菠菜未用姜同蒜头爆炒所以劈唔到味。我问阿姐有无糖水佢一句卖晒头也不回，成餐饭真系好搞笑，😂我问老豆点解咁样你仲成日来，佢话情意结嚟㗎㖞😂老豆话啲阿姐以前好串，见佢一个人黎食，个知客叫佢咁你买饭盒返屋企食啦🙄老豆好好脾气冇闹佢，不过佢地咁赶样客唔怪得无乜人😂
荷兰头炒腊肉
26 浏览
0 赞好
0 留言
金银蛋波菜
27 浏览
0 赞好
0 留言
海哲勋蹄
28 浏览
1 赞好
0 留言
张贴
