十二味貴陽牛肉粉 (已結業)

三个月前喺另一半既介绍之下知道左呢间餐厅，佢话个汤底十分好味，今日佢卒之带我黎试喇。餐厅位于谢菲道同鹅颈桥交界（湾仔𠮶边），都唔算好难揾姐。麻辣木耳喺柜台俾完钱就即开即食，香辣惹味，俾呢个前菜开哂胃啊。个全家福牛肉粉一黎𠮶阵，哗，劲足料，成个面头都系𩠌，有牛肉丁，牛肉片，牛筋，牛肚，豆干同卤蛋，牛肉丁同牛肉片都系用牛展切成，两样都有好浓既卤牛肉味，牛筋就炆得劲腍，钟意佢牛肚既斜薄切，有时出面啲直切炆得唔够腍就好似擦胶架喇，豆干入哂味，个汤底本身都够味，不过加埋𠮶两樽麻同辣真系不知得了，钟意食辣既朋友真系不容错过。另外加多左个酸菜，见到以前好似系用椰菜既，今次用左雪菜，我爱酸，如果整得再酸啲就好喇。绝味卷粉（辣）个辣油劲香，卷粉既口感比我想像中好，唔立糯，攞黎捞都唔会成 pat 野咁，个粉既口感令我谂起元朗既潮式肠粉，不过呢度个味道同配料起码好食3.6倍。花生劲脆，而且沐浴喺喺辣油入面都唔会浸腍，唔系食开𠮶啲云南系列可比，加左个脆哨，其实即系猪油渣，炸得香脆而不油腻，同个捞卷粉好夹。食到尾声个全家福牛肉粉可能自己重手左有啲太麻，厨艺精湛既另一半帮我落左两羹糖，话会中和番个辣味㖞，我原本都