影片
更多
2022-06-02
1714 浏览
最近好想食点心，于是住将军澳嘅朋友介绍左我食呢个点心放题，佢话好高质。之前听讲某大酒店有点心放题，但好多都伏，一来佢件点心好精致好细件，食完都唔饱，二来乜都话即蒸，等完一轮原来的屎咁大粒，想要食又要再order再等过，然后等等下就够钟，其实好似无乜食过野咁，所以我都好担心。不过今次试完真系真心好Ok。先讲下个茶，佢系玫瑰花荔枝茶，劲香甜，好好味真系，好似饮紧台式茶haha之后就上第一轮点心，我地预先订位所以先有鲍鱼酥！鲍鱼酥真系好大只鲍鱼，个酥底有好多疑似菇碎同肉类做馅，口味好丰富，酥饼好松脆，鲍鱼又好弹牙好大只，但我嫌只鲍鱼系冻的，好似系罐头岩岩夹出黎嘅感觉，如果浸一浸返热佢成件事会好食好多。好大只呀~~叉烧肠粉，我个人觉得肠粉做得好好，好爽好滑，但系叉烧反而做得好一般，麻麻地。估唔到佢每一份葱油鸡，都系散叫咁大份，唔似D放题咁只系比一两件你，净系呢碟鸡都几十蚊呀，回本力有10%。鸡肉好厚，皮好爽滑，真心高质好好食！当店主角重头戏，一定系食呢个竹炭皮虾饺，超大只超好食呀!!!!!!!!!!!!!!!!我就好惊d点心放题系好细件，佢果然无介绍错，真系好巨型好大只，卖相又靓，个虾饺皮做到
之前听讲某大酒店有点心放题，但好多都伏，一来佢件点心好精致好细件，食完都唔饱，二来乜都话即蒸，等完一轮原来的屎咁大粒，想要食又要再order再等过，然后等等下就够钟，其实好似无乜食过野咁，所以我都好担心。
不过今次试完真系真心好Ok。
先讲下个茶，佢系玫瑰花荔枝茶，劲香甜，好好味真系，好似饮紧台式茶haha
之后就上第一轮点心，我地预先订位所以先有鲍鱼酥！
鲍鱼酥真系好大只鲍鱼，个酥底有好多疑似菇碎同肉类做馅，口味好丰富，酥饼好松脆，鲍鱼又好弹牙好大只，但我嫌只鲍鱼系冻的，好似系罐头岩岩夹出黎嘅感觉，如果浸一浸返热佢成件事会好食好多。
好大只呀~~
叉烧肠粉，我个人觉得肠粉做得好好，好爽好滑，但系叉烧反而做得好一般，麻麻地。
估唔到佢每一份葱油鸡，都系散叫咁大份，唔似D放题咁只系比一两件你，净系呢碟鸡都几十蚊呀，回本力有10%。
鸡肉好厚，皮好爽滑，真心高质好好食！
当店主角重头戏，一定系食呢个竹炭皮虾饺，超大只超好食呀!!!!!!!!!!!!!!!!
我就好惊d点心放题系好细件，佢果然无介绍错，真系好巨型好大只，卖相又靓，个虾饺皮做到好烟韧，夹佢都唔会爆开裂开！
虾肉超多同埋好爽口，真系好好好食！
我同朋友每人都食左3大只，佢单点价系HK$58/3只，即系我已经回本回左20%
讲完虾饺就讲埋呢只虾卷，佢系用芝麻+酥皮卷住虾胶黎炸，劲香口好好味，仲有沙律酱可以点，好开胃！
都系劲多大只虾肉，好味！
食点心点可以无烧卖，呢个猪肉烧卖一样有好多虾肉好大只，每一粒都系巨型，好岩我！
上面仲有黑鱼子，感觉好矜贵！同埋真系好大只！
估唔到佢地有生咕噜肉咁饱肚嘅野食可以点，一于试下 。
都只可以讲，佢炸得好松脆，酱汁好惹味，无骨啖啖肉，真系无夸张，我同朋友都觉得呢个好好味！
再黎一兜我完全唔想食嘅野，系XO酱炒肠粉，因为太饱肚，降低战斗力。
但食落真系好好食，好入味唔淡口，好香，真系好好食...............食左大半盆。
我觉得佢有个缺点就系乜都超巨型，搞到我同一样野食好多好饱。
肠粉可以问佢啰甜辣酱，因为我觉得点左好食D，但佢自己唔会主动比你的，留意返
呢个系金菊卷，似甜品，咬落去好有韧性，菊花茶果种香甜味，好得意！
再叫左棉花鸡，都几好食，不过我如果下次再黎一定唔会再叫呢个，好多鸡好饱肚。
鱼肚就好好食，但我唔想食D鸡，太多啦。
最唔推荐系呢个煎蛋糯米鸡，真系完全唔好食，煎完嘅糯米鸡好硬好韧
里面D料唔算少，但真系相当饱肚，份量又好大件，如果放题黎的话，呢个系伏位，唔特别好食又顶胃。
甜品最后点左桂花糕，冻食的，比较清爽开胃，几好食
红枣糕系蒸点心，我搬返佢落碟黎影，味道好好食
整体黎讲佢地点心散叫都几贵的，大部份都40-50蚊一笼，所以如果你系大食少少，又想去呢度食点心，我觉得午市点心放题可以一试。
必试的有竹炭虾饺、咕噜肉、XO酱炒肠粉、烧卖、芝麻明虾桶。
其实佢仲有好多款叉烧包之类的，不过我一款都无叫，因为太饱肚啦，留返比你地挑战。
张贴
