Burgeroom (Fashion Walk)

营业中

休息中

之所谓士别三日……当年食Burgeroom，佢系加路连山道嘅小店一间，今日再食，已经系位处热闹嘅名店坊Fashion Walk。见佢唔单止舖面大咗，仲有得坐户外。行到入去，闻到好香嘅burger味，感觉就好似去咗外国咁。打开menu，发现选择真系多到呢……真系你谂到或者谂唔到嘅burger都可以揾到。今日忠于基本，拣咗牛肉系列嘅大烤菇芝士牛肉汉堡。大大个包，牛肉patty绝无欺场，厚身不特止，咬落去仲满口肉汁！赞！配埋烤香咗嘅portobello大菇同埋咬落爽脆嘅新鲜生菜同番茄，令人超满足之余，又唔会感觉太腻。就算平时食量比较细，今次要KO呢个咁巨型嘅汉堡包都完全无问题。话明今日要surf and turf，同场加映龙虾沙律。沙律真系诚意十足，不时食𠮶啲龙虾沙律啲肉碎饮饮无口感，呢度就完全无呃你，真系有龙虾原只上！劲多肉，好味！虽然感觉大满足，但食burger点可以无薯条呀？仲发现有旋风薯条食添！无可能唔食。唔系炸到干𠮶啲嚟架，啖啖薯蓉！简直就系完美嘅一餐！绝对令人刮目相看。