老鍋台式火鍋 (京都廣場) (已結業)

冬天都唔打边炉几时打呢？今次去打台式边炉，去左铜锣湾骆克道既老锅台式火锅。餐厅系正铜锣湾港铁站出口对面，位置方便。呢度有好多四人卡位，枱同枱之间既距离够远，有私隐度，座位舒适。餐牌有4款汤底，小食，豆品，肉类，丸类，饺类，蔬菜，其他，面食。胶原蛋白美人锅 $228次次黎都系食老饕酸菜白肉锅，今次就试吓胶原蛋白美人锅。材料有餐牌上有写嘅桃胶，原只乌鸡，杞子，南枣，金华火腿，仲有淮山，党参，龙眼肉，冬菇，粟米，洋葱，香葱。材料丰富，真系净叫锅都有好多野食。个汤味道好香浓，好重药材味道。乌鸡一开二，好多肉食，皮滑肉嫩，吸左个汤味道咸香，非常好食。桃胶份量好多，同乌鸡一样，吸左咸香汤底味道更好。比起老饕酸菜白肉锅，个人更加钟意呢个胶原蛋白美人锅。美国梅花猪肉 $128美国梅花猪肉一客十块，好粉嫩吓，卷住咁上枱。食落又脆又嫩，猪味又浓，上面有少少沙律菜点缀。千张豆叶纸 $48千张豆叶纸一客8块，渌两秒就可以食，又薄又滑，豆味啱啱好，非常挂汤。香菇贡丸半份 $32半份即系两粒，香菇贡丸好弹牙同味道天然。 蛋饺半份 $32半份即系两粒，蛋饺既蛋皮好簿，唔会过咸。木薯粉 木薯粉一大兜，口感非常烟韧有嚼