老鍋台式火鍋 (金馬倫道) (已結業)

近排冻冻地，都唔记得食左几多餐边炉，平时多数去酒楼打边炉，今次试左呢一间台式火锅，原因系⋯⋯美人要食美人锅装潢都几有中国风，感觉唔错！有一番古旧的味道美人为美人锅而来，我为麻辣锅而来美人锅有桃胶、乌鸡、杞子、红枣等等材料桃胶系近年新兴，含丰原胶原蛋白，啱晒女仕☺️非常足料，啲桃胶食极都有，红枣杞子都好甜而麻辣锅有大、中、小辣，而我叫左小辣，因为第一次食唔知辣度如何，汤底好有麻辣既香味，而且食落一啲都唔油腻，汤底𥚃有台湾直送鸭血同冰豆腐，鸭血薄薄的、好滑，冰豆腐吸晒啲汤汁好好味，同煮极都唔烂，越煮越够味道，不过小辣就觉得一啲都唔辣下次要叫中辣或者大辣先得打边炉通常都食牛，其实猪都几好食架呢个梅花猪肉，脂肪几靓，唔系太多，爽口猪肉味浓丸类可以双拼，香菇贡丸好食，爽口弹牙，冬菇好大粒，鱼旦一般响铃原来即叫即炸，所以都等左一段时间上台时仲热辣辣，脆卜卜，但感觉似炸云吞皮手工墨鱼丸，新鲜，口感同墨鱼滑差唔多新鲜唐生菜总括黎讲，汤底几特别亦都好足料，价钱中上，火锅配料较少选择，希望迟啲会增加多啲