影片
更多
2020-11-27
2370 浏览
想同朋友喺尖沙咀食饭，朋友上网睇咗一阵就book咗呢度，一来系黄店，二来地点方便，价钱又OK。到咗食饭当日，朋友早咗到，因为只系六点，餐厅当然冇问题。我坐低咗之后，大家一齐睇Menu谂吓食乜。食物选择都算多，价钱都好公道。系呢个时候有位长头发扎马尾，着短裤嘅waitress 行过，朋友问佢可唔可以要住两杯水先，Waitress 答话佢’ 只系有distilled water‘ 。 即系只有收钱嘅水。我同佢讲，其实想要杯热水，waitress 立即黑面，转头真系只浸左一杯热水，放喺枱嘅角落头就行开咗。我同朋友立即侧目，而家经济环境咁差，分分钟因为疫情太严重下星期又唔可以做晚市，竟然仲有餐厅嘅员工态度可以差到咁样。再者，我哋都系因为黄店所以过嚟支持下，冇谂到而家咁多人失业，原来仲有人系 ‘唔忧做’。因为我同朋友都唔算大食，只系叫咗两个主菜、一个配餐汤沙律，再加支啤酒。喺点菜嘅时候，我哋见餐厅冇乜人，要求坐张大啲嘅枱。服务我哋嘅应该系餐厅经理，一位年纪比较大嘅男士，态度非常好。之后亦有另一位长发waitress 态度亦好好。本来朋友好想即刻投诉，但我哋最后都系忍住左，始终食物仲未嚟，我唔想俾
到咗食饭当日，朋友早咗到，因为只系六点，餐厅当然冇问题。我坐低咗之后，大家一齐睇Menu谂吓食乜。食物选择都算多，价钱都好公道。
系呢个时候有位长头发扎马尾，着短裤嘅waitress 行过，朋友问佢可唔可以要住两杯水先，Waitress 答话佢’ 只系有distilled water‘ 。 即系只有收钱嘅水。我同佢讲，其实想要杯热水，waitress 立即黑面，转头真系只浸左一杯热水，放喺枱嘅角落头就行开咗。
我同朋友立即侧目，而家经济环境咁差，分分钟因为疫情太严重下星期又唔可以做晚市，竟然仲有餐厅嘅员工态度可以差到咁样。再者，我哋都系因为黄店所以过嚟支持下，冇谂到而家咁多人失业，原来仲有人系 ‘唔忧做’。
因为我同朋友都唔算大食，只系叫咗两个主菜、一个配餐汤沙律，再加支啤酒。喺点菜嘅时候，我哋见餐厅冇乜人，要求坐张大啲嘅枱。服务我哋嘅应该系餐厅经理，一位年纪比较大嘅男士，态度非常好。之后亦有另一位长发waitress 态度亦好好。
本来朋友好想即刻投诉，但我哋最后都系忍住左，始终食物仲未嚟，我唔想俾人加料。
先上嘅系三文鱼扒，亦都系由𠮶一位冇礼貌嘅员工拎俾我哋嘅....真系完全冇讲嘢就咁拍一声摆喺枱面就行开。
两份主菜，三文鱼扒同pork belly。两样都煮得好好食，特别系pork belly, 外面比较少见嘅菜式，皮同肉都好香脆，分量亦好足够。三文鱼扒相信系煎完再焗，鱼皮好香脆。
大概7:45pm, 突然有waitress 好有礼貌咁同我哋讲 ‘因为限聚令，我哋8:00你张枱又有Booking⋯⋯‘。我明白佢意思系想我哋埋单，香港租金咁贵，生意难做，当然理解，但同限聚令有乜关系？而且我哋订枱嘅时候餐厅员工亦都冇提过。
最奇怪嘅系讲呢句说话嘅员工好有礼貌，我拎过去望一望先发现原来系之前𠮶一位好冇礼貌嘅waitress。由于态度180度改变，餐厅里面灯光亦比较暗，我有问我朋友到底系唔系同一个人，答案系。
其实餐厅食物质素同价钱都唔错，如果净系计呢两样嘅话我会再返嚟帮衬。但呢一位员工嘅态度实在令人咋舌。
老板到底知唔知道有一位咁样嘅员工呢？
张贴