嵐喬日本料理 (已結業)

今日大家都唔知去边到食晏好，老板就介绍咗一间新开的日本餐厅比我地。睇佢舖面好似唔系好大，应该唔系好放到我地一行12人，但系我错了，佢突然间系餐厅的最入面变咗张长枱出来，仲可以间到间房，虽然只系用拉出来的大闸门做墙，但系对我地来讲午餐变咗私人敍会，就真系惊喜。至于食物方面，佢地一样唔吗夫，有8，9样lunch set可供选，寿司定食，刺身，锅物，乜都有，任君选择。每个餐都唔同的特色，真系好正。首先跟餐有汤，沙律同一个出面好少有的冻豆腐。鱼生饭，比咗好多海胆，好鲜甜；寿司定食件件都好有份量，整得又靓，见都都唔舍得食；刺身有好多款式，见到都知用料新鲜；不得不讲个牛肉锅，啲牛肉好嫩骨，又有个蛋系面，可以整蛋花又可以整到牛肉再好食啲（好似打边边咁样），又可以将佢放落饭到食，呢个食法真系一流。哈哈，我地果日真系好好彩，估下我地见到边个.....范振锋，佢好nice呀。老板话佢夜晚食见过刘浩龙添呀，所以我地决定再encore，踫下运气。