老闆火鍋冰室

营业中

休息中

住系元朗系幸福、去到老板系食福😋呢到座位就算冇限聚都好宽敞，食物质素高，份量好足！今晚我哋撑枱脚，食咗个好传统既小菜👉花菇花胶鸭掌蚝皇虾子面。佢味道用料非常出色，不得不黎openrice赞赞佢对做菜既认真同用心！👍花菇属中size, 闻到菇香。花胶有厚度，质地黏实而软。鸭掌不难整得好食，但佢实在太正，筷子夹起唔会甩头甩尾，一入口就连皮带肉滑嘟嘟咁啜哂出黎，正到冇朋友😋😋，太耐冇食过呢个质哋嘞！虾子面粗粗的，见到点点虾子㗎👍总之成个菜式有大酒楼质素，但价钱就只系一百头咋！我哋仲叫咗两个小食，泡椒无骨凤爪同盐酥鸡软骨。前者清辣、爽脆，爱辣一定喜欢佢。后者酥皮薄，同鸡软骨离身，所以会有两个口感，唔系得啲粉痴住软骨果款，香口抵食👍其实仲想叫好多款小食，见到好特别㗎，唔系周围都有，所以决定下次一定再黎，仲要叫多啲朋友齐齐黎食多啲款式！