影片
更多
2014-11-12
524 浏览
东大街实在大多嘢食，竞争好大，无番咁上下，真系好难留低。呢间韩式小店都开咗年几，路过几次都无入去试。今日原本想去试另一间舖头，但系原来只做外卖，无得堂食。突然谂起韩式前菜，就去咗韩食妈妈。小店好家庭式，已经接近十点，人客唔多。近日天气凉凉哋，小妹要咗半只人参鸡。鸡未嚟之前，先嚟咗个小妹最钟意嘅韩式前菜，份量小小；有清爽嘅大荳芽、粉粉哋嘅黑豆、甜咗少少嘅蕃薯、仲有做得几出色嘅泡菜。仲滚紧嘅人参鸡汤终于上枱。就好似其它韩式人参鸡汤一样，个汤无乜人参味，不过几好饮，至少无味精。鸡肉软滑，仲好留心咁奉上一小碟盐嚟调味。仲有一只手指咁上下大嘅鲜人参，同少少糯米。舖头细细，只有一个楼面姐姐，仲有三个喺厨房做嘢嘅都系姐姐。老板娘系韩国人，佢唔只有个韩国人样，小妹仲偷听到佢讲电话𠮶阵，系用非常流利嘅韩文。
呢间韩式小店都开咗年几，路过几次都无入去试。今日原本想去试另一间舖头，但系原来只做外卖，无得堂食。突然谂起韩式前菜，就去咗韩食妈妈。
小店好家庭式，已经接近十点，人客唔多。近日天气凉凉哋，小妹要咗半只人参鸡。鸡未嚟之前，先嚟咗个小妹最钟意嘅韩式前菜，份量小小；有清爽嘅大荳芽、粉粉哋嘅黑豆、甜咗少少嘅蕃薯、仲有做得几出色嘅泡菜。
仲滚紧嘅人参鸡汤终于上枱。就好似其它韩式人参鸡汤一样，个汤无乜人参味，不过几好饮，至少无味精。鸡肉软滑，仲好留心咁奉上一小碟盐嚟调味。仲有一只手指咁上下大嘅鲜人参，同少少糯米。
舖头细细，只有一个楼面姐姐，仲有三个喺厨房做嘢嘅都系姐姐。老板娘系韩国人，佢唔只有个韩国人样，小妹仲偷听到佢讲电话𠮶阵，系用非常流利嘅韩文。
张贴