ME'N'U Homemade Fusion (已結業)

一入门口已经话食lunch限一个钟疫症下想做多转生意好明白亦合理我地四个人一枱，待应讲明每人一定要嗌一个餐，亦都合理。我地一共食咗35分钟，觉得份量唔够想再嗌多一个餐，点知个老板同个侍应话唔俾我哋嗌，原因系如果整好出嚟一个钟内唔可以食完走人🤯然后我望向全场，仲有两张四人枱一张二人枱系无人坐既，门口亦都冇人等位，然后我几位朋友同我一样已经唔想再坐落去，一嚟座位窄坐得唔舒服，二来老板娘黑晒面，眼神同态度mean到不得了，今时今日咁嘅服务态度我仲需要再嚟帮衬你吗？其实元朗好多餐厅，有好多选择，除非你嘢食整到好好食所以你咁串，但食物又唔系话觉得好好食，只系正常味道，但系咁样嘅服务态度，我唔会再返嚟呢间食。本人真系好少会Blacklist餐厅，但呢一间门口冇人，餐厅仲要好多空枱，我地仲有25分钟，连嗌多个餐都唔俾，我觉得真系好好笑。