影片
更多
2021-01-27
1465 浏览
我由呢间舖开张就已经一直有帮衬，一直都觉得呢间品臻既product又抵又足料又好饮好食。不过直至今日去买杯700cc既黑糖珍珠鲜奶既时候就真系即刻改观哂。首先个职员系度冲紧我杯嘢，之后有另一个职员(肥肥地唔系好高 我怀疑系店长 或者只系做得比较耐既职员)行埋去同冲紧我杯嘢既职员讲：你比咁多做咩？唔洗落咁多。然后再同个职员咬耳仔讲多左几句我都听唔到既说话。最后杯嘢出到黎系比正常700cc份量少大约一个半手指公既水位。我都做过珍奶舖，所以都明白每间舖头都有自己调饮既方法，但系都唔会系咁明显咁系客面前讲，同埋做出黎个样系咁明显地唔足料！！天光道品臻好饮系事实，所以我亦都一直有帮衬，但呢啲门面嘢做得咁差真系好失望同扣哂分！！下次去帮衬既时候再见到𠮶个女人真系即刻调头走！！！
张贴