十三姨 (通菜街)

营业中

休息中

琴日经过女人街揾野食，其实次次经过女人街都见十三姨好多人排。朋友话想试下，咁就拎飞等。都等左一个钟，其实等到燥燥地，终于等到我地。一入到去见到已经摆好2杯茶同埋虾片。由于我地系外面已经拣好食咩，所以好快落order，也都好快上菜。我地叫左老板娘鹅肝煎蛋饭、十三么、芝士年糕同黑牛。 鹅肝煎蛋饭真系好好食！好好食！好好食！本身都好钟意食鹅肝，配饭/多士真系好好食。佢个饭仲有XO酱，甜豉油真系好夹，辣辣地令到个饭无咁腻同埋好开胃。我食到饱左都仲系好想继续食。朋友食左个十三么，汤底好好饮，有阵胡椒既香味，然后加埋柠檬又好似变左另一个汤底咁好清新。但系个芝士年糕就一般，佢中间流心系甜，但佢面果块芝士系咸，个人觉得又咸又甜太复杂。可能个饭实在系太惊艳，将佢比下去。原本等左一个钟燥燥地，食完个饭开心返晒。