影片
更多
2021-06-14
125 浏览
喺Openrice book左18:45 同朋友上去打边炉因为餐厅位置有少少难揾 兜左路所以迟左 全程劲赶咁用google map揾路 所以都忘记左打俾餐厅讲声会迟5-10分钟🤦🏻♀️18:52 餐厅一个女人打黎问-佢：请问你地系咪黎紧架我：系呀系呀唔好意思呀 我地赶紧黎大概2分钟就到佢：咁你快啲㖞 你地book左6点半架㖞(把声已经系好唔满意)我：下唔系㖞我book左6点9 不过我地都赶紧过黎架喇 就黎到啦佢：但我见到你系book左6点半㖞 我：但我真系book左6点9... 佢：咁你快啲啦 咁你都系迟到丫(把声劲系)-明白依家生意难做 所以迟左少少我地都唔系几好意思 已经劲赶咁去紧 但唔明点解个女人咁坚持系都要话我地book左6点半 电话中态度仲要几差下 但其实check返openrice个record 我地真系book 6点9 未去到餐厅已经咁样 之后更精彩上到餐厅 因为我地系6个人所以要分两张台我地就问个女人(就系打电话俾我𠮶个 睇佢应该系老板娘/经理黎) 我地可唔可以拍近少少🤏🏻方便讲下野 心谂如果唔得就算佢当时都仲好有礼貌咁话 唔可以主动帮我地拍 但我地都唔可以太近 都要隔
因为餐厅位置有少少难揾 兜左路所以迟左
全程劲赶咁用google map揾路 所以都忘记左打俾餐厅讲声会迟5-10分钟🤦🏻♀️
18:52 餐厅一个女人打黎问
-
佢：请问你地系咪黎紧架
我：系呀系呀唔好意思呀 我地赶紧黎大概2分钟就到
佢：咁你快啲㖞 你地book左6点半架㖞(把声已经系好唔满意)
我：下唔系㖞我book左6点9 不过我地都赶紧过黎架喇 就黎到啦
佢：但我见到你系book左6点半㖞
我：但我真系book左6点9...
佢：咁你快啲啦 咁你都系迟到丫(把声劲
系)
-
明白依家生意难做 所以迟左少少我地都唔系几好意思 已经劲赶咁去紧 但唔明点解个女人咁坚持系都要话我地book左6点半
电话中态度仲要几差下 但其实check返openrice个record 我地真系book 6点9
未去到餐厅已经咁样 之后更精彩
上到餐厅 因为我地系6个人所以要分两张台
我地就问个女人(就系打电话俾我𠮶个 睇佢应该系老板娘/经理黎) 我地可唔可以拍近少少🤏🏻方便讲下野 心谂如果唔得就算
佢当时都仲好有礼貌咁话 唔可以主动帮我地拍 但我地都唔可以太近 都要隔返条通道
我地就将张台拍近左少少
但叫叫下野食 佢突然变左另一个人咁
劲燥底咁行埋黎拉返我地张台去原来位置 话 你地唔可以咁样架㖞乜乜乜乜...
我地全部人黑人问号❓😑神又系佢鬼又系佢
-
野食方面 我地叫左每人$288嘅任食边炉
(但唔知点解最后埋单每人都要$33x)
啲牛系几好食 其他野食就正正常常
食材无咩特别 款式亦都唔多
其实主要都要卖紧个怀旧concept
仲要净系可以食90分钟
所以我地都觉得好唔值呢个价 性价比好低
因为呢个价钱嘅边炉 其实唔suppose系食90分钟 多数都系120分钟
时间少都算 仲要食左1个钟个女人已经同我地讲last order
喺其他地方打边炉其实都未试过仲有成半个钟就已经叫last order 你话我地食得夜阻住收铺就话啫
-
食净15分钟嘅时候 个女人已经系咁行埋黎提我地 个架上面仲有啲野食㖞😇
成个感觉其实都几差 好似觉得我地食佢好多野 想我地快啲食哂佢快啲走咁
到最后其实90分钟唔系好食得切
虽然就黎清哂所有野食 佢见到我地仲食紧 但都系一分钟都无俾多我地
岩岩好 真系岩岩好90分钟(我有睇表) 就赶我地走
-
所以overall 成餐饭真系觉得好差
其实出黎食饭食得开唔开心唔系净系睇啲野食好唔好食
而系好多野加埋而得出嘅感受
食呢间野呢90分钟俾我嘅感觉系
眼中只有钱 想你食最贵嘅价钱 劲赶住收台快啲做下一转客
而呢啲感受99%嘅来源都系𠮶个老板娘/经理
用字唔该前唔该后 但个词气态度系好差
呢啲先系最可怕 做佢啲伙记都几惨
(利申: 其他伙记都好好态度👍🏻)
-
做餐饮服务态度真系好重要
决定你会唔会有回头客
尤其系主管/老板 唔系恶就大哂
所以我都唔系好明呢间野点解咁多好评
我地几个朋友大家一致都话唔会再黎食
我真系未试过打一篇千字文食评 (连食评都未打过)
真系食到一肚气
如果一班朋友想上呢间打边炉真系三思
除非系纯粹想上去打个卡
如果唔系我觉得绝对有更好选择
完(嬲)
张贴
