影片
更多
2020-04-21
543 浏览
呢日去朋友屋企玩，玩到唔知时日，九点几都未食晚饭，就落街睇下有乜好食。由于唔想食连锁店，又见到呢间粉面店未关门，就一于帮衬下😉。我哋睇紧餐牌之际，店员就好热情行埋嚟介绍，比张传单我哋。佢仲同我哋讲餐厅系新开㗎，买满$150就送外卖等等。我哋只系谂住买外卖，但佢都好好招呼我哋入去坐住慢慢拣食乜（当然都有做足量体温嘅动作）。面店环境似茶记多啲，枱櫈比起一般面舖好坐👍。老板都行埋出嚟倾计，话当呢到系屋企就得😍，唔使客气。佢推介我哋可以试下牛三宝；另外，仲有啲炸小食。除咗一般粉面外，餐厅仲有唔少花臣菜式，包括羊腩煲同泡饭等等；佢叫我哋下次可以堂食试下👌！ 等嘅期间，有唔少人同我哋一样都系买外卖，仲有个外国人嚟买云吞牛腩粗添，你真识食🤣。牛三宝面($48)，价钱比平日稍贵，但啲𩠌多到一个点！由于我哋Share食，所以分开咗啲面同𩠌，啲𩠌多到可以铺满哂成个碗盖。🐮牛三宝包括牛腩、牛肚同孖筋，味道唔错，我最钟意牛腩，肥瘦刚好。紫菜四宝捞面($38+$7转捞面)，四宝包括鱼皮饺、鱼片头、贡丸同墨丸。🍢鱼片头同墨丸都几正，而个紫菜汤亦几好、够多紫菜。原来真系捞面先会将个汤分开上，捞面嘅面量好似比起汤面多
呢日去朋友屋企玩，玩到唔知时日，九点几都未食晚饭，就落街睇下有乜好食。由于唔想食连锁店，又见到呢间粉面店未关门，就一于帮衬下😉。
我哋睇紧餐牌之际，店员就好热情行埋嚟介绍，比张传单我哋。佢仲同我哋讲餐厅系新开㗎，买满$150就送外卖等等。我哋只系谂住买外卖，但佢都好好招呼我哋入去坐住慢慢拣食乜（当然都有做足量体温嘅动作）。面店环境似茶记多啲，枱櫈比起一般面舖好坐👍。
老板都行埋出嚟倾计，话当呢到系屋企就得😍，唔使客气。佢推介我哋可以试下牛三宝；另外，仲有啲炸小食。
除咗一般粉面外，餐厅仲有唔少花臣菜式，包括羊腩煲同泡饭等等；佢叫我哋下次可以堂食试下👌！
等嘅期间，有唔少人同我哋一样都系买外卖，仲有个外国人嚟买云吞牛腩粗添，你真识食🤣。
牛三宝汤面
$48
25 浏览
0 赞好
0 留言
紫菜四宝捞面
$45
23 浏览
0 赞好
0 留言
紫菜四宝捞面($38+$7转捞面)，四宝包括鱼皮饺、鱼片头、贡丸同墨丸。🍢鱼片头同墨丸都几正，而个紫菜汤亦几好、够多紫菜。原来真系捞面先会将个汤分开上，捞面嘅面量好似比起汤面多。
黄金炸墨鱼丸
$30
18 浏览
0 赞好
0 留言
我哋加咗份小食($30)，本身净系想要🦑黄金炸墨鱼丸，但老板好热情咁话双并、甚至每样要啲都得，所以我哋就拼埋🥟泰式炸云吞。我哋返到去打开先发现每样有六粒，即系老板可能系半卖半送咁畀我哋？真系太唔好意思了🙈！炸墨鱼丸好好食，好弹牙，感觉唔会太难消化，刚好；炸云吞就比较细粒，但点酱食都OK。
总括嚟讲，虽则面店嘅食品未去到惊为天人嘅好味，但都正正常常几好，而且份量非常慷慨！最重要系呢到充满浓浓嘅人情味，十分难得😊。
张贴
