六游

营业中

休息中

鱼汤米线同拉面就食得多，今次🐻发现左一间鱼汤上海面既新餐厅。餐厅约14个座位，其中一张系6人枱，拉大队黎都唔惊。主打3款自家制浓汤上海面同6款小食。⭐️麻辣冻蚬 $48秘制麻辣汁加入八角，食落有d卤水味，麻同辣比例岩岩好唔呛口，蚬肉饱满冇沙，索满麻辣汁既鲜香好惹味。⭐️蟹肉黄金莲藕 $38莲藕清爽脆口，配埋蟹肉一齐食增添多份鲜甜味，食左几条就即刻想Encore🤭⭐️焦糖蕃薯 $42蕃薯外层微焦，沾满焦糖，味道甘甜，口感软绵，系健康又好食既小食。⭐️Asahi $38忍唔住叫左支啤酒配小食🤭⭐️六游三鲜鱼汤上海面 $108老板兼主厨Martin好钟意煮野食，用左接近两年时间研究出满意汤底，汤底由鸡骨、猪骨、各类鱼骨熬制而成。鱼骨会先煎香再煮，所以鱼味比较出，汤底清甜不腻，无添加味精，可以当汤咁饮。配料有虾、蟹肉、鱿鱼、鸡胸、云耳、莲藕。虾肉爽口弹牙，鸡胸加入百里香慢煮而成，肉质细致嫩滑。上海面面质幼滑，老板话试过好多款面，最终拣左呢款上海面同汤底最配合。