華記海鮮飯店

营业中

休息中

梅窝系一个好可爱既地方，搭一程船就可以感受慢活。星期六同朋友去左一个书店，逗留左4个几钟感觉好肚饿就决定去食海鲜歇歇脚。华记系我好推荐既海鲜餐厅。因为无论环境食物质素心思同价钱，佢都系无懈可击既。望住海景吹住海风食海鲜简直一流阿。今次嗌左个海鲜餐，大约500零蚊三个人，包括有例汤同埋4样海鲜。特别要讲下呢碗粉葛赤小豆扁豆煲猪骨汤，去湿又去骨火，老板特别煲架，完全无味精，系爱心靓汤来架，好味到连汤料都食埋。鼓椒蒸黄立仓，条鱼好新鲜，啖啖肉，蒸得时间刚刚好，啲鱼质好滑，唔捞鼓油都好够味。😋鼓椒炒蚬辣辣地好野味，啲蚬都算大只，无沙，食得好安心。椒盐鲜鱿就当然无得输啦，香脆既外面，鲜鱿大大只份量都好多，ichiban!👍虾同样地好新鲜，好大只，超级鲜味。来华记，有品质保证，我话既😋👍话哂都食左好几次先食食评架。