影片
更多
2021-03-22
809 浏览
女友告知,北角码头有间星巴克,面向海景环境唔错,于是乎走去八卦一下,途中经过糖水道见到我嘅大爱葱油饼,买两件试试.原本只想买葱油饼, 但见到D牛肉饱又平又大个, 心谂咁大个饱系咪饱大馅料少架!女友就俾咗少少意见 "反正好日都唔过嚟大岛,咪买嚟试试啰"okay.... 又买咗3件牛肉饱嚟试试.再望望间铺名，圣罗兰！YSL! 名就够响，睇睇质素如何先！优点:1) 葱油饼系好奇怪嘅饼, 其实件饼已经落咗好多葱, 但总系感觉唔够, 加几多都唔够! 奇怪!葱油香不停由个外卖袋渗出, 饼皮唔够脆但原因好大可能出系自己身上, 因为唔系即刻食, 下次再买的话应该咬啖先!2) 牛肉饱唔系单单个饱大, 馅料无偷工减料, 21蚊3个抵! 牛肉馅料唔只单单牛肉, 有葱, 牛肉 juicy 有肉汁, 爆分!缺点:1) 店面唔大好易行过都唔知, 但最大问题系店舖系一条窄咗少少嘅街上, 企系到买外卖好似有D阻街.2) 老板态度唔太友善, 找钱果时将D银掉落我手上!大大扣分！
原本只想买葱油饼, 但见到D牛肉饱又平又大个, 心谂咁大个饱系咪饱大馅料少架!
女友就俾咗少少意见 "反正好日都唔过嚟大岛,咪买嚟试试啰"
okay.... 又买咗3件牛肉饱嚟试试.
再望望间铺名，圣罗兰！YSL! 名就够响，睇睇质素如何先！
优点:
1) 葱油饼系好奇怪嘅饼, 其实件饼已经落咗好多葱, 但总系感觉唔够, 加几多都唔够! 奇怪!
葱油香不停由个外卖袋渗出, 饼皮唔够脆但原因好大可能出系自己身上, 因为唔系即刻食, 下次再买的话应该咬啖先!
2) 牛肉饱唔系单单个饱大, 馅料无偷工减料, 21蚊3个抵! 牛肉馅料唔只单单牛肉, 有葱, 牛肉 juicy 有肉汁, 爆分!
缺点:
1) 店面唔大好易行过都唔知, 但最大问题系店舖系一条窄咗少少嘅街上, 企系到买外卖好似有D阻街.
2) 老板态度唔太友善, 找钱果时将D银掉落我手上!大大扣分！
张贴
