六本木日本料理

营业中

休息中

咁岩路过肚饿 见到间日本野， 睇下餐牌就行入去望坐。 入到去， 真系几似日本居酒屋。有人好快就揾位安顿我地，二话不说就拎茶拎餐牌俾我地， 都几快手。 仲自介绍左d招牌菜俾我地。 先黎左前菜先， 虽然只系叫左枝豆同鸡软骨普通料， 但个枝豆&鸡软骨都热辣辣新鲜整出黎。个刺身盆真系又靓又新鲜， 海胆入口即溶， 赤贝啦， 等等。 非常满意。 另外前菜个香芒沙津， 够晒爽口， 真系可以食唔停口。 最特色又好食既几样野招牌菜之一既六本木牛骨肉， 侍应会点火烧起D牛, 就算我对牛肉有要求， 真系可以赞唔停。 外香内软，我自私食开心d.个海老云丹天妇罗， 海老我知乜， 云丹系乜呢？ 原来系海胆。 厨师仲用紫苏叶包住海老同海胆黎整天妇罗， 我见识少， 真系未食过。 我本来唔食紫苏叶既人， 食落又真系冇违和感， 仲带出晒两样野既鲜味。 老板话系其中一样招牌菜又真系冇错， 张张台都会叫， 叫我地试下。 又真系啵， 食完谂返会觉得好彩有试下。 仲有其他招牌菜， 可惜食饱晒， 下次翻兜再试埋佢！