多多車仔麵

营业中

休息中

多多车仔面店，系大埔其中一间我成日经过好想食但食唔到嘅良心小店，咁多年嚟我只系帮衬过一次，但近来某日… 我家老板竟然话要带我去果度食好嘢，嘻嘻~ 老板固然必食碗仔翅，跟住佢又好钟意食鸡所以叫咗个咸鸡饭，咁我本身叫咗招牌面吖嘛，但最后佢都系忍唔住叫多个炸猪扒，两个人食咁多嘢，睇嚟佢真系好想介绍我食呢个好味道嘢。大名鼎鼎嘅聪明哥炸猪扒珊珊来迟，食咗其他嘢打底，正常我战斗力会减低，点之个炸猪扒一嚟到，哗~~~ 外表炸得好靓，肉眼都睇得到佢炸完仍然保留到肉汁，我被佢嘅香味同Juicy搅到我胃口大开越战越勇，其实我平时系唔食猪扒，怕佢干争争甚至柴哂皮咁，势估唔到今日竟然有猪扒令我调返转劲食，今次老板都唔够我刷得呀，我差不多食哂所有猪扒，今次我终于肯认我有时真系好大食…. 补充，其实我个招牌面本身都有跟猪扒，但老板睇唔到所以我另外仲有份细的，我终于系食唔哂细果碟啰…..