影片
更多
2021-08-04
296 浏览
📍 誉宴．星海荟好耐之前有亲友系呢间摆酒，环境几靓，坐得又舒服。今日同老板食饭佢就决定黎呢间饮茶。餐厅位于利舞台5楼，主要做宴会场地，楼底好高。➖➖午市 menu有好多选择，令人眼花撩乱。今次就拣左$238既一人午市套餐再加一碟金瑶蛋白炒丝苗、一碟菠萝叉烧包同埋一笼小笼包。一人午市套餐包括蜜汁叉烧拼化皮烧腩仔(细)、虾饺．烧卖．翡翠粉果，珍珠鸡各一件、原只鲍鱼伴天白菇，唔够大胃王坟肚。所以嗌多左个炒饭同两笼点心。➖➖📌 蜜汁叉烧拼化皮烧腩仔(细)蜜汁叉烧同化皮烧腩仔各有3件。叉烧大旧又厚肉又Juicy，好有蜜香。烧腩仔个皮烧到脆卜卜。➖➖📌 虾饺．烧卖．翡翠粉果．珍珠鸡虾饺：完整一粒好胀卜卜，一啖咬落好弹牙，虾饺皮带烟韧。蟹子烧卖：大大粒，肉和猪肉比例均匀又够多蟹子，必食之选翡翠粉果：水晶粉果皮搓到厚薄适中，馅料切到碎碎地珍珠鸡：糯米好烟韧，入面仲有半只咸蛋黄，好惊喜➖➖📌 原只鲍鱼伴天白菇原只鲍鱼咁上，仲有天白菇同西兰花做伴碟。鲍鱼都算大只，新鲜弹牙，加埋鲍汁食真系好正。➖➖📌 小笼包 $36卖相好特别，皮薄多汤汁，肉份量适中，唔会调味得好咸。➖➖📌 金瑶蛋白炒丝苗 $128 一大
好耐之前有亲友系呢间摆酒，环境几靓，坐得又舒服。今日同老板食饭佢就决定黎呢间饮茶。餐厅位于利舞台5楼，主要做宴会场地，楼底好高。
➖➖
午市 menu有好多选择，令人眼花撩乱。今次就拣左$238既一人午市套餐再加一碟金瑶蛋白炒丝苗、一碟菠萝叉烧包同埋一笼小笼包。一人午市套餐包括蜜汁叉烧拼化皮烧腩仔(细)、虾饺．烧卖．翡翠粉果，珍珠鸡各一件、原只鲍鱼伴天白菇，唔够大胃王坟肚。所以嗌多左个炒饭同两笼点心。
➖➖
📌 蜜汁叉烧拼化皮烧腩仔(细)
蜜汁叉烧同化皮烧腩仔各有3件。叉烧大旧又厚肉又Juicy，好有蜜香。烧腩仔个皮烧到脆卜卜。
➖➖
📌 虾饺．烧卖．翡翠粉果．珍珠鸡
虾饺：完整一粒好胀卜卜，一啖咬落好弹牙，虾饺皮带烟韧。
蟹子烧卖：大大粒，肉和猪肉比例均匀又够多蟹子，必食之选
翡翠粉果：水晶粉果皮搓到厚薄适中，馅料切到碎碎地
珍珠鸡：糯米好烟韧，入面仲有半只咸蛋黄，好惊喜
➖➖
📌 原只鲍鱼伴天白菇
原只鲍鱼咁上，仲有天白菇同西兰花做伴碟。鲍鱼都算大只，新鲜弹牙，加埋鲍汁食真系好正。
➖➖
📌 小笼包 $36
卖相好特别，皮薄多汤汁，肉份量适中，唔会调味得好咸。
➖➖
📌 金瑶蛋白炒丝苗 $128
一大碟两个人食真系饱哂！用足材料去炒，大大碟。饭粒炒得好干身。瑶柱同蛋白份量都唔少。
➖➖
📌 菠萝叉烧包
菠萝包松脆，叉烧馅多，热辣辣食真系好正。
➖➖
地址：铜锣湾波斯富街99号利舞台广场5楼
张贴
