厚福館 (南角道) (已結業)

新年刚过，经过长假期及几位同事的长假之后，终于归位人齐可以开饭。老板请食开年饭㖞，应该要食豪D既。之不过，老细一早已经有心水，BOOK左厚福馆呢间火锅店。原来我老细系熟客，一开波就叫左个蟹面，老板诘餐牌冇的，叫「厚福招牌蟹面」。所谓蟹面，其实系姜葱蟹粉丝煲的变奏，改用粗面。用左原只蟹黎煮，成个面底吸晒D蟹味，好入味好惹味。我地仲叫左个炸黑松露饺，好鬼香，炸得又脆，卖相一流。之不过，我系唔会咁早俾呢D淀粉质打低的。好喇，入正题。黎得呢度紧系要叫海鲜渴底啦，我地叫左个火焰海皇海鲜汤底，阿拉斯加长脚蟹。本身个汤底已经有大虾同大蚬，自上次去日本食长脚蟹，我二话不说放埋落去煮，加上佢本身有D有酒香味，成件事系非一般咁鲜甜。火锅料方面，大致都唔错，当中我强烈推介泡菜水饺、汕头牛丸、手打鱼蓉面及芝士墨鱼丸。首先，泡菜水饺系不能不食的。本身我系一个饺痴，呢只野泡菜辣味醒神，再加入面的素翅，份外爽口及有咬口。汕头牛丸亦系一绝，老板诘系由汕头直送的，咬落去肉汗丰富。手打鱼蓉面及芝士墨鱼丸系惊喜，相当弹牙，特别系芝士墨鱼丸，我未试过食粒丸要o赵超过10野。我估最后人均要$400，虽然系老板请。