影片
更多
2018-06-28
1246 浏览
朝早有客来睇厂，老顶谂住个客睇完厂就同佢食饭再摸摸底，挖生意，点知个客唔领情，搞到条预先订咗嘅生猛石蚌和花蛤无人问津，变咗益咗我哋做o靓嘅去食。未够十二点，我哋就跟老顶车，飞车去鸭脷洲街熟食市场，𠮶度得番一间开档 (可能系休渔期关系)，中午时间，特别好生意，相比我哋厂就拍晒乌蝇，我哋老顶一片愁容。天气热，坐低就整枝樽装可乐解下暑。然后睇下有咩好食，氹下老顶。先来个招牌菜柱侯牛腩。好腍，不过咸咗D。另一个招牌菜系三宝，即系炸鱼皮、炸鱼片头和炸云吞。碟头大非常大，食极都食唔晒。点沙律酱或甜辣汁来食都几好食。条鱼系新鲜石蚌，用嚟清蒸，唔知系咪客人多的关系，舖头兼顾唔切，蒸得太熟，嘥晒条鱼，老顶好唔 happy。再嚟系盐油水煮花蛤粉丝底，撞鬼! 又系熟过头，老顶对眼厉住我哋，我哋都唔知讲咩好，我哋两个知“订”，唯有夹手夹脚队晒条鱼和碟花蛤。最后，惊老顶肚饿，叫番碟肉丝炒面俾佢顶肚，佢食咗两啖，大赞好食，佢当堂笑番晒。
未够十二点，我哋就跟老顶车，飞车去鸭脷洲街熟食市场，𠮶度得番一间开档 (可能系休渔期关系)，中午时间，特别好生意，相比我哋厂就拍晒乌蝇，我哋老顶一片愁容。
天气热，坐低就整枝樽装可乐解下暑。
然后睇下有咩好食，氹下老顶。
先来个招牌菜柱侯牛腩。好腍，不过咸咗D。
另一个招牌菜系三宝，即系炸鱼皮、炸鱼片头和炸云吞。碟头大非常大，食极都食唔晒。
点沙律酱或甜辣汁来食都几好食。
条鱼系新鲜石蚌，用嚟清蒸，唔知系咪客人多的关系，舖头兼顾唔切，蒸得太熟，嘥晒条鱼，老顶好唔 happy。
再嚟系盐油水煮花蛤粉丝底，撞鬼! 又系熟过头，老顶对眼厉住我哋，我哋都唔知讲咩好，我哋两个知“订”，唯有夹手夹脚队晒条鱼和碟花蛤。
最后，惊老顶肚饿，叫番碟肉丝炒面俾佢顶肚，佢食咗两啖，大赞好食，佢当堂笑番晒。
张贴
