Tivoli 意大利餐廳

营业中

休息中

懷舊餐廳買少見少，香港經濟環境差，要試到老字號嘅餐廳愈來愈困難。聽朋友講佐敦呢間Tivoli意大利餐廳有超過40年歷史，所以今次帶埋另一半撐枱腳。呢度食物選擇都幾多，晚餐套餐有牛柳、大蝦拼牛柳…亦都有二人套餐同埋四人套餐選擇。除此之外，仲可以散叫其他野食。今次叫咗牛柳套餐 $168，除咗有三塊牛柳之外，仲有一球薯蓉、半個焗蕃茄、紅洋蔥同埋蘑菇汁。牛柳份量都幾多，我地叫左五成熟，都煮得好好，牛味亦都濃郁，幾抵食。薯蓉質感算幾滑，味道香濃，為牛柳套餐增添色彩。至於焗蕃茄同紅洋蔥就正常發揮。總括嚟講，Tivoli意大利餐廳性價比好高，而且環境都幾有情調，適合帶另一半黎享受燭光晚餐。