明記麵食

营业中

休息中

见到唔使等位，冲左入去。明记系传统车仔面格局，地板装潢碗筷陈列都有岁月痕迹，钟意怀旧可以一去。今日食左邪恶三𩠌（牛肚、萝卜、猪肠）米食物：三样都卤得好入味！尤其牛肚连埋牛筋，喺香港呢个势利讲快速、高回报既地方，坊间难得有店咁好心机去炆淋佢，入口好似啫喱咁～骨胶原！萝卜一睇个色就要食，淋、无渣，虽然唔算清甜，但入口即溶。猪肠系肥肠，色唔系深，不过都入味（可惜当日有旧整得唔干净）。由于老板舀汤好似配方咁沟左几样，色浓但清甜，有味精，但唔太重，饮左好多都唔会过份口渴。环境：对于怀旧控呢讲系一流，香港仲有几多地方坐木材高櫈仔、用公鸡碗，自闭食自己既地方？服务：全自助零服务，不过听到人客怕辣但又想食辣鱼蛋，老板二话不说俾唔辣鱼蛋加辣汁，细心！感受到以前互相帮助既情怀！价钱公道，好食，难以挑剔。辣椒酱系是拉差，配料一流，但面都系桂林夹啲。