影片
更多
2019-08-13
200 浏览
阿肥火锅位于尖东漆咸道南，即系尖东广场或百周年纪念花园对面，相当容易揾到餐厅以五六十年代香港风情作为主题，一入门口至梯间已经感受到怀旧风情。正门挂著一对红色鸡蛋灯作为装饰。现今嘅新式街市大多以长长灯管作设备，红色鸡蛋灯已经好少见。进入梯间会见到一啲相信系旧年代嘅报纸广告，例如楼盘、餐厅、饮品类。钟意怀旧事物嘅我真系被吸引住，企系度睇咗一阵餐厅内部地下以至各式摆设都完全按照剧本散发一种老香港味道。例如 : 阶砖系用怀旧啡色款，谂起小时候住系旧屋邨时嫲嫲屋企都系用呢款阶砖。又例如系杂物柜上都放咗好多旧式玻璃内胆嘅保温热水壶，相信依家年代嘅人都未见识过。仲有食客所用嘅碗系用公鸡碗，餐厅背景音乐都系播住耳熟能详嘅粤语歌曲。讲返食物先汤底都有十四款，可惜同行朋友口味比较偏，好多款都兴趣不大，最后拣咗金腿大蚬走地鸡冬瓜盅。火锅就拣咗阿肥牛皇拼盘、门鳝炸鱼皮、四宝丸、浓家黑鲜腐竹同埋少量蔬菜。汤底可以拣一只鸡同半只鸡，我哋得两个人所以半只鸡就够。鸡肉出奇地非常嫩滑，而汤底清淡中带鲜味，睇黎大蚬同金华火腿有唔少功劳。冬瓜亦都异常地鲜甜，都未食火锅料都已经清咗锅底一大半。门鳝炸鱼皮系菜单入面标明系有骨，
餐厅以五六十年代香港风情作为主题，一入门口至梯间已经感受到怀旧风情。
正门挂著一对红色鸡蛋灯作为装饰。现今嘅新式街市大多以长长灯管作设备，红色鸡蛋灯已经好少见。
进入梯间会见到一啲相信系旧年代嘅报纸广告，例如楼盘、餐厅、饮品类。
钟意怀旧事物嘅我真系被吸引住，企系度睇咗一阵
餐厅内部地下以至各式摆设都完全按照剧本散发一种老香港味道。
例如 : 阶砖系用怀旧啡色款，谂起小时候住系旧屋邨时嫲嫲屋企都系用呢款阶砖。
又例如系杂物柜上都放咗好多旧式玻璃内胆嘅保温热水壶，相信依家年代嘅人都未见识过。
仲有食客所用嘅碗系用公鸡碗，餐厅背景音乐都系播住耳熟能详嘅粤语歌曲。
讲返食物先
汤底都有十四款，可惜同行朋友口味比较偏，好多款都兴趣不大，最后拣咗金腿大蚬走地鸡冬瓜盅。
火锅就拣咗阿肥牛皇拼盘、门鳝炸鱼皮、四宝丸、浓家黑鲜腐竹同埋少量蔬菜。
汤底可以拣一只鸡同半只鸡，我哋得两个人所以半只鸡就够。
鸡肉出奇地非常嫩滑，而汤底清淡中带鲜味，睇黎大蚬同金华火腿有唔少功劳。
冬瓜亦都异常地鲜甜，都未食火锅料都已经清咗锅底一大半。
门鳝炸鱼皮系菜单入面标明系有骨，但鱼骨都炸得非常脆身容易入口，而鱼皮本身亦比一般嘅炸鱼皮厚身有质感，加上系新鲜炸起，就算浸落汤都仍然保持到脆口。
四宝丸系手打鲜虾丸、墨鱼丸、牛肉丸同黑豚肉丸。手打丸真系无得输嘅，款款都咁好食，馅料新鲜弹牙而保留肉汁，完全唔洗点任何酱汁。
浓家黑鲜腐竹就其实同一般鲜腐竹无太大分别，同样系有浓浓豆香味，索满鲜味汤底真系好食到我哋再叫多咗一碟。
而压轴出场嘅阿肥牛皇拼盘就包括咗手切肥牛、安格斯牛肉、牛柳粒同埋黑牛柏叶。
成碟牛简直系超班马嘅水准，手切肥牛入口即溶，安格斯牛肉充满牛味带有质感，牛柳粒带有满满牛脂甘香又唔会难咀嚼，黑牛柏叶滚至软身仍然非常爽口。
如果唔系我中午个餐只系食咗好少嘢嘅话，今餐都争啲清唔到枱。
闻到隔离枱食麻辣汤底真系流哂口水，下次约埋一班朋友再黎怀旧下先！
浓家黑鲜腐竹
6 浏览
0 赞好
0 留言
金腿大蚬走地鸡冬瓜盅
5 浏览
0 赞好
0 留言
阿肥牛皇拼盘
10 浏览
0 赞好
0 留言
门鳝炸鱼皮
7 浏览
0 赞好
0 留言
张贴
