老鳳冰室 (已結業)

今日下午去开葵芳见客，同事话想去我之前介绍过的老凤，食埋晚饭兼打卡，又好啫，反正未食过晚餐，可以试试佢。晚餐由四十几蚊至一百蚊左右，「癫嗱」系加钱先至有嘢饮，冷热饮品加5蚊，汽水加6蚊，特饮加14-16蚊，丰俭由人。我叫咗E餐『鐡板黑椒汁脆皮猪手配饭』加配波波红豆奶茶冰。脆皮猪手铁板上，唔算好大只不过我都食唔晒要打包。 伴碟有大大件翠玉瓜、车厘茄同洋葱，底下仲有幼滑薯蓉添。黑椒汁另上，可以随以自己心意淋上面，好贴心，值得一赞。白饭份量都好多架猪手皮炸到卜卜脆，而肉质又保持到软嫩有肉汁好味。同事叫咗『咖哩海鲜软壳蟹竹炭三文治配薯角』加配波波冰镇奶茶。摆盘都几靓啊薯角又香又脆，点茄汁食就最夹嘞。烘到微脆的竹炭方包夹住软壳蟹同新鲜生菜，连埋香喷喷咖哩汁，好面包香脆，生菜爽脆，软壳蟹酥脆，口感够晒复杂但系好好味，同事赞不绝口波波奶茶冰粒好正，不会像普通冰溶解后沟淡茶味，反而令杯茶越饮越有味红豆又腍又甜又香波波奶茶亦系一样好够茶味食唔晒要加2蚊打包，连外卖胶袋都好有特色，好靓