老三火鍋 (已結業)

同朋友聚会，我地最钟意就系打边炉，因为每个人都可以食自己钟意食既野，而且一年四季都可以食，我地今次去左呢间用鸭做汤底既舖，坐底之后店员会拎火锅酱料俾我地，简简单单有葱、蒜、辣椒粒等四款酱料，之后拣汤底，店员主动同我地介绍佢地既招牌汤底-老鸭锅，个锅滚起之后店员同我地每人装左一碗，话饮左汤先打边炉，个汤好足料，好清唔油腻，鸭肉已经煲到骨肉分离，肉味浓郁，饮完汤就可以开始打边炉啦!蛏子皇虽然食到尾有少少沙，但都几大只肥美，好新鲜。鱼卜好新鲜，个个都胀卜卜，店员拎到出黎会帮我地剪开，胶质重，唔错。炸鱼皮好大碟，每块都又大块又脆，唔会太咸，好好味。鲜淮山每次打边炉都会叫既鲜淮山，够新鲜爽口。蟹柳棒呢度啲蟹柳唔系出面啲cheap cheap 假蟹柳，味道系好正常架!油麦菜个样好靓仔，好新鲜，而且个份量都几多。稻庭乌冬食到最后一定要食返个乌冬，佢地会提供埋"罩呢"俾你装住个乌冬，乌冬吸收哂汤底既精华，好好味。优质芦荟蜜我地叫左一渣芦荟蜜，清清地唔太甜。值得一提既系，呢度系免加一架，而且呢度啲店员都几细心，会经常过黎同我地加汤，而且又会主动帮我地撇走面𠮶层油，值得一讃。