影片
更多
2023-06-02
38 浏览
有无人估到呢个新吞拿凯撒沙律餐，配菠萝特饮，加一个美禄麦旋风，减咗$3会员下午茶优惠要几钱？今日天气非常热，我窜咗入嚟老麦凉冷气及上网，坐坐下当然loop下老麦个apps，睇吓有咩优惠啦！见到有个下午茶减$3优惠，即管入去睇吓有咩拣，畀我见到有个新吞拿凯撒沙律餐，反正未试过，而且系沙律，一定唔会饱肚啦！随后见到有菠萝特饮，又未试过，试埋先。见加配一栏，有个美禄麦旋风，正价要$16，加配要$11，试埋佢先，手机落单，专人送餐，我就一边玩手机，一边叹冷气，一边等食。店员捧住个餐，起间餐厅一路行，就一路嗌几多几多号，我就好奇怪，餐厅嘅台号系固定嘅，点解仲要嗌呢？又唔见茶记啲伙记要咁嗌？呢方面绝对唔专业，要改善，食完个餐，我睇返老麦个apps，想将呢个意见畀返佢哋，点知原来个apps系无呢个功能嘅，咁就真系失败啦！一个咁重要改善服务质素，与客人互动嘅功能都居然无，想进步、想改善就少咗一个重要渠道了。讲返食物先，个麦旋风太甜，不过都唔意外，因为佢哋嘅软雪糕都系超级甜，麦旋风点可能唔甜？菠萝特饮，一片一环形菠萝，应该系用菠萝虾堡嘅同一样嘅菠萝，味道唔够甜，个人觉得用碎菠萝会好啲，但以出餐效率计，边
今日天气非常热，我窜咗入嚟老麦凉冷气及上网，坐坐下当然loop下老麦个apps，睇吓有咩优惠啦！见到有个下午茶减$3优惠，即管入去睇吓有咩拣，畀我见到有个新吞拿凯撒沙律餐，反正未试过，而且系沙律，一定唔会饱肚啦！随后见到有菠萝特饮，又未试过，试埋先。见加配一栏，有个美禄麦旋风，正价要$16，加配要$11，试埋佢先，手机落单，专人送餐，我就一边玩手机，一边叹冷气，一边等食。
店员捧住个餐，起间餐厅一路行，就一路嗌几多几多号，我就好奇怪，餐厅嘅台号系固定嘅，点解仲要嗌呢？又唔见茶记啲伙记要咁嗌？呢方面绝对唔专业，要改善，食完个餐，我睇返老麦个apps，想将呢个意见畀返佢哋，点知原来个apps系无呢个功能嘅，咁就真系失败啦！一个咁重要改善服务质素，与客人互动嘅功能都居然无，想进步、想改善就少咗一个重要渠道了。
讲返食物先，个麦旋风太甜，不过都唔意外，因为佢哋嘅软雪糕都系超级甜，麦旋风点可能唔甜？
菠萝特饮，一片一环形菠萝，应该系用菠萝虾堡嘅同一样嘅菠萝，味道唔够甜，个人觉得用碎菠萝会好啲，但以出餐效率计，边会用你分开两款菠萝呀？理解嘅。
粟米杯，虽然老麦话已经调好味，但个人觉得偏淡，唔多够味，而且嚡口唔得滑，都系要加返啲牛油先至好味，但我懒得问店员攞，就当系畀自己食得健康少少啦！
新吞拿凯撒沙律，佢有三款酱，分别系黑醋、日式麻酱同凯撒沙律酱，既然我系第一次试，梗系要凯撒沙律酱，感觉上保险啲嘛。呢个酱原来系丘比牌，味道绝对有保障啦！至于新吞拿，摆明系素肉，味道方面，除非系素食主义者啫，否则都系食罐头吞拿鱼好啲。另一方面，如果系素食者，认真要留意，由于个沙律入面有芝士碎，如果系食纯素，而非奶素人士，在点餐时记得要剔走芝士。啲蔬菜都好新鲜，唔错！👍👍👍话时话，原来呢个沙律都几饱肚，由我用餐时间到依家写食评时间，都距离有至少两个钟，但依家仲饱紧，真系唔好睇少佢。
最后，谜底揭盅，呢个餐要$65，减咗$3优惠后，要$62，唔知有无人估中呢个价钱？
所以食老麦，一啲都唔平，再唔系穷人恩物啦！
1 浏览
0 赞好
0 留言
张贴
