老點里 (已結業)

今日星期六由于公司都多嘢做所以一朝早已经开工，不过我呢的work-life balance嘅点样都要休息下，收工后都系一如以往咁约朋友打波，话晒依家玩得都买少见少，所以都要好好珍惜。呢度始终系讲食嘢嘅地方，所以都系讲下今日食咗啲乜嘢，打完波之后大家都各自离开。由于今晚一个人食，返去途中经过吴松街见到间新派个名又几得意铺头叫做「老点厘」既车仔面，咁耐无食车仔面心思思梗系要帮衬下啦。入到舖头见下午茶时间未算好多人，揾到个靓位再睇下餐牌， 呢间餐厅主要都系做车仔面，除此之外都有啲小食都几适合大人细路，车仔面款式都有三十几款，望咗一轮之后嗌咗四款𩠌：云吞、牛腩、牛肚同埋猪肠，呢几样都系我食车仔面其中必食几款，另外小食就有炸鱼皮同埋墨鱼春卷。落单时候店员都有提议我可以试下杯新款薏米菠萝冰，消暑一流~~~等咗大约十分钟左右，所有食物都陆续上枱啦~ 上枱啦~ 首先就系呢碗四𩠌车仔面，  佢嘅份量都正常而摆碟都精美，每款食物嘅份量都算好足够，喺其他嘢上枱前就试一试个车仔面先，云吞馅系猪肉，入口好新鲜而且大大粒非常饱满。牛腩卤得好香肉质亦鲜嫩，同出面嘅牛杂铺有得媲美。到呢款牛肚，佢个牛肚系我最钟意嘅毛肚