辣吧 (已結業)

趁住正好既岀粮日，决定去食野好既庆祝，难得仲要系周末日，朋友一直都想试下系尖沙咀开左无耐既辣吧，既然决定左就唔多考虑啦。辣吧主打四川菜，有小菜有麻辣串等等既菜式，大多数都围绕住一个辣字，而我今次食既会系爆红既海鲜大咖。海鲜大咖(八款海鲜) $328/1位海鲜大咖分两个选择，应该话系数量既选择，6款同8款，价钱相距唔大，要食就要食尽佢，我系拣左8款既。主要既8款海鲜由厨师指定，其余既四款配料就可以自己决定，我拣既有豆卜、薯条、生菜、萝卜，都唔错吧，至于汤底就拣个火辣既麻辣汤。等左20分钟左右，海鲜大咖终于登场，望住一大盘既海鲜，见到都流口水，份量相当多到，包括有贵妃蚌、鲍鱼、海虾、圣子、肉蟹、鱿鱼筒、元贝同花甲。入面我最期待既就系圣子，肉厚丰满，而且比其他每一种都要爽口甜美。贵妃蚌都系我最常食既海鲜，固然稳阵又爽口鲜甜。重点系肉蟹，系火辣既酱汁底下蟹肉仍然可以渗透岀本身既鲜甜味道。蒜蓉元贝，肉感超满足，上面既粉丝吸收左麻辣既汤汁，别有一番风味。海虾超级多，有吃不完既感觉。整体黎讲都算唔错，期待下次试埋佢既麻辣串。