影片
更多
2009-09-06
8 浏览
见杂志同食评都几好，但系始终要经过自己把口试试先，今晚有时间，晏昼打去顺利book位。餐厅位于铜锣湾世贸中心，上到去，一边系发型屋，一边就系呢间连个名都有个"气"字嘅人气日本料理 - At Corner，原来两间店舖份属同一集团 HEA Place。餐厅坐位唔算好多，枱与枱之空间都唔算阔落，以深色格调为住，但系又唔算系浪漫，卖点系有个由两栋大厦之间望出去嘅维港夜景，又唔可以话系全海景，始终比怡东酒店低一班，但系始终都系唔同级数，唔可以相题并论。讲返坐位，唔知系咪有订枱嘅关系，佢地比咗张四人卡位比我地，私人空间十足，但系设计想有少少不足之处。首先，坐椅好直，佢已经好醒目预先摆放咗四个 cushion，如果冇咗个cushion，你会觉得背部坐得比支笔还要直，但系个cushion又唔足以覆盖你整个背部，而且你嘅pat pat可以坐在櫈上嘅位置浅咗短咗，搞到两头唔到岸，真系唔知佢地设计嘅原意想点。再者，设计主调已经黑沈沈，仲要两盏射灯只可以够照一边嘅两个座位，咁叻一边呢，可以系连睇menu都有困难。餐牌卖嘅九成主要都系传统日本料理，但系甜品又加有好多款西式甜品，例如有Cream Brulee,
餐厅坐位唔算好多，枱与枱之空间都唔算阔落，以深色格调为住，但系又唔算系浪漫，卖点系有个由两栋大厦之间望出去嘅维港夜景，又唔可以话系全海景，始终比怡东酒店低一班，但系始终都系唔同级数，唔可以相题并论。
讲返坐位，唔知系咪有订枱嘅关系，佢地比咗张四人卡位比我地，私人空间十足，但系设计想有少少不足之处。首先，坐椅好直，佢已经好醒目预先摆放咗四个 cushion，如果冇咗个cushion，你会觉得背部坐得比支笔还要直，但系个cushion又唔足以覆盖你整个背部，而且你嘅pat pat可以坐在櫈上嘅位置浅咗短咗，搞到两头唔到岸，真系唔知佢地设计嘅原意想点。再者，设计主调已经黑沈沈，仲要两盏射灯只可以够照一边嘅两个座位，咁叻一边呢，可以系连睇menu都有困难。
餐牌卖嘅九成主要都系传统日本料理，但系甜品又加有好多款西式甜品，例如有Cream Brulee, Cheesecake, 心太软，都几奇怪架。而且佢地嘅刺身嘅溢价都颇高嘅，喺咁嘅地方，一片三文鱼刺身定价$22，平均一片普通款式刺身卖$25，一盘有七款各两片嘅刺身拼盘要$388，价钱都几吓人架。
食物方面：
1. 日式煮花螺 $58 - 中国用辣酒煮大家就食得多，用Sake去煮我就第一次食，首先系冻食，一啲都发辉唔到酒嘅香味，直头可以话系一啲酒味都感觉唔到，质地仲要颇实，应该系因为落咗酒去煮之后仲要整冻佢，导致啲用实到失去弹性，呢种咁嘅处理方法我就一啲都唔识欣赏 ; 仲要上完道菜，餐具又欠奉，好在一叫侍应，应刻第一时间醒目地拎嚟，但系竟然系比支用嚟食大闸蟹嘅铁叉，都有啲搞笑，搞到我地成日就住就住，一啲都唔方便。
2. 法国鹅肝杂菌炒饭 $58 - 用上日本珍珠米，但系忘记咗炒饭基本条件，要炒至干身，呢点厨子办唔到，跟住佢嘅鹅肝细粒得很，亦炒到老哂，食落口根本感觉唔到原本应该香浓嘅鹅肝味失踪咗，杂菌味就不提也罢。
3. 杂锦天妇罗 $98 - 卖相ok，但食落就知出事，脆桨有点儿厚，而且导致食到中途，碟𩠌开始冻，脆桨即时变得好硬，食落口会整损口腔。用料有虾、鱼、蕃薯、茄子、鲜菇等，大部份都冇问题，但系主打嘅三只虾就炸得过火咗，每一只嘅肉都又老又实，就只虾而言，小公主话差不多系佢食过中偏差嘅一次，大家可想而知，情况有几严重。
4. 串烧 (鸡软骨 $16/串 + 牛舌 $28) - 连串烧都预上同一情况，就系烧得太干，其实未食已经见得到表面烧到干哂，食落口即时感觉到一阵烧干表面嘅味道 ; 牛舌就切得太薄，虽然烧得唔错，起码入面仍然juicy，但系又预到另一情况，就系肉质颇实，可能系肉料唔够好嘅关系，所以话佢地定价系偏高嘅。
5. 心 太 软 $68 - 一上枱，卖相几好，但系碟面好细，感觉啲食物好似好迫夹，朱古力蛋糕唔松软，值得赞赏嘅系但入面嘅朱古力桨仍然系暖而且可以流动嘅，雪糕系用匙羹装住，不过点解要咁做呢，应该系因为佢地惊雪糕太冻会整冻个朱古力蛋糕，而且支匙羹系雪冻咗，个雪糕就唔会咁易溶啦，但系点解厨师唔索性转用大啲嘅碟，咁情况就可以轻易解决啦。
Comments: 我地今餐已经冇叫佢地嘅刺身，佢地份量亦唔算大，又冇饮酒，但系都要咁嘅价钱，抵食就唔见得 ; 服务同环境方面都几好嘅，但食物方面主要系又老又实，味道还可以，但烹调技巧就有待改善。嚟得呢间餐厅，就唔好对佢嘅食物存有太大奇望，反而应将重点放落佢嘅景观，咁我谂大家会食得舒服啲。
张贴
